شخص يصور وجباته الغريبة بطريقة تستفز الناس

شخص يصور وجباته الغريبة بطريقة تستفز الناس

شفنا أمثلة كثير لناس ياكلون بطريقة غريبه مره زيّ اللي كان يقيّم الأكل وهو بالسيكل واللي ياكل مفطح من فوق حصان 🐎

تيك توكر يعمل اعلان لمطعم مندي بطريقه غريبه ياكل وهو فوق ظهر الحصان ! pic.twitter.com/a4HllIozNZ

— محمد الفيصل (@Mooh32a) January 19, 2024

على كثر غرابة المقاطع اللي قبل خصوصًا الحصان! إلا إن الحين طلع واحد أغرب بكثير من اللي قبله، هو شخص يشارك الناس وجباته اليومية الغريبة اللي تناسب جدول إحتياحه الرياضي لكن بطريقة استفزت أغلب الناس

مثال على المقطع الغريب اللي يخلط فيه الأكل مع بعض بفكره ما تجي على بالك أبد! 🤯

 

طريقة خلطه للأكل تعطيك شعور إنه إنسان ما يملك حاسة التذوق لأن المكس اللي قاعد يسويه ما يدخل العقل، ولا مين ياكل فاصوليا بالطماطم مع موز وورق عنب؟ 😵‍💫

 

كثير بالتعليقات كانوا معصبين من مقاطعه ويتسائلون كثير وش السالفه؟ لكن صاحب المقاطع مطنش الوضع تمامًا وما يرد عليهم فقط ينزل بالمقاطع ويختفي 👇🏻

كل المؤشرات تقول إنه ما عنده حاسة تذوق ولا مين بيتحمل كل هذه الأنواع يخلطون مع بعض! المهم بالعافية عليه ومتحمسين بعد نشوف أيش الطريقه الغريبة الجاية 😂