كيف تستمتع بيوم كامل في بينالي الدرعية؟ هنا الطريقة لاتفوتك!

Avatar
كيف تستمتع بيوم كامل في بينالي الدرعية؟ هنا الطريقة لاتفوتك!

كيف تستمتع بيوم كامل في بينالي الدرعية؟ هنا الطريقة لاتفوتك!

الرياض أكثر مدينة مليانة فعاليات وأماكن رهيبة تقدر تستمتع فيها وتناسب كل الفئات وحتى كل شعوب العالم لما يسافرون للرياض سياحة ينبهرون فيها، وهذه كلام يشهد له الجميع وليس شخص واحد.

اللي يميّز الرياض وأهلها إنهم يحبون التغيير والتجديد وأكثر شيء ما يحبونه هو الروتين المتكرر ونقدر نلاحظ هذا الشيء من طبيعة حياتهم اليومية وطلعاتهم لأن كل الأماكن الحلوه عندهم ماشيه على كلمة “الهبّة”، لكن بعض الأماكن فازت بكل الأيام الكل يزورها بجميع الأوقات وتُعتبر “هبّة” مستمرة لا نهائية.

اليوم مقالنا عن أحد أجمل أماكن الرياض اللي تصدّرت الترند فترة طويلة وهي بينالي الدرعية للفن المعاصر 💚

الفنون اللي تقدّمها بينالي الدرعية للفن المعاصر مميزة وتجربتها مختلفة عن غيرها، يعني حتى اللي مو مهتم كبير بالفن أو مو مطلّع على الفن، من عندي أنا شخصيًا راح تعجبك وبتخليك تكرر الزيارة مرة ومرتين وثلاثة وبعدها بتستوعب إنك دخلت عالم الفن وأصبحت مطلّع على هذا العالم الجميل 😍

  • المعرض

 يقع معرض البينالي في مؤسسة بينالي الدرعية ويمتد على ٦ قاعات وعدد من الجلسات الخارجية المطلة على وادي حنيفة والمساحات الواسعة اللي تضيف للمكان جمال خلاب.

معرض البينالي راح يقدم لك أشكال فنية رائعة مثل الرسمات واللوحات الفنية والمنحوتات والمجسمات وبعض الصور الفوتوغرافية، مع عرض وسائط عديدة من العروض والأفلام.

الأعمال تركز على قضايا مختلفة، تم استخدام السرد القصصي بها، حيث تتمحور حول قضايا البيئة وتركز على كبار الفنانين في المنطقة، والدور الأساسي للمياه في الحياة وقضايا التراث والحفاظ على البيئة وتجارب متعددة الحواس.

المعرض الآن في شهره الأخير، ضروري تزوره وتستمتع بالفنون الموجودة بالمعرض والأجواء المصاحبة له

وغيرها الكثير من الفنون اللي تقدر تطلع عليها وتحجز الآن من هنا بأسرع وقت!

  • ليالي السينما

كل يوم خميس راح تستمتع بأجواء سينمائية بأفلام متنوعة مقدمة من مؤسسة مهرجان البحر الأحمر 🎥

لا تفوتك التذاكر وفرصة عيش أجواء السينما المختلفة كل خميس واضغط هنا للحجز 🎫

  • البرنامج الثقافي

اذا ودك تمتع أطفالك بأنشطة متنوعة تنمي عندهم الحس الفنّي منذ الصغر، راح تحصل أنواع رهيبة من الفعاليات اللي تناسبهم

الفعاليات راح تتنوع بين تعليم الفن اللي راح يعلمهم أساس تاريخه وكيف تكوّن مع الوقت في ورش عمل ودروس مخصصة لأعمارهم وبين معمل الفن اللي راح يعلمهم كيف صنعوا الفن من خلال لقاءات وجلسات حوارية وزيارات للاستديوهات الفنيّة، وأيضًا مساحة الفن اللي راح تخليهم يبحرون أكثر في عالم الفن مع عدد من المهتمين به من الفنانين والعلماء والباحثين.

اضغط هنا واستكشف الفعاليات والأنشطة 🤩

  • الملعب المجاني للأطفال

وادي للأطفال عبارة عن مساحه تفاعلية مصممة خصيصًا عشان يتعلمون الأطفال بطريقة مختلفة ومميزة ومتنوعة من مبادى حياة الوادي والصحراء وكيف يأثر المطر عليها، وراح يسمح للأطفال يعبرون بإبداعهم وفهمهم للطبيعة بكامل الحرية ✨

الفعاليات جميلة والأنشطة ممتعة مره لا تفوتك ترا آخر يوم لها ٢٤ مايو 🤩

  • تذوق الأكلات المتنوعة في بينالي

وأكيد ما ننسى تجارب تذوق الأكل اللذيذ في بينالي الدرعية، لاتفوت الفقرة الأهم خصوصًا لمحبين الأكل 😋

 

عرض هذا المنشور على Instagram

 

‏‎تمت مشاركة منشور بواسطة ‏‎Diriyah Biennale Foundation‎‏ (@‏‎biennale_sa‎‏)‎‏

  • جولة في جاكس

من التجارب الممتعة والجميلة هي إنك تأخذ جولة في أجمل حيّ بالدرعية “جاكس” لأنه في الدرعية لما نسمع كلمة فن أول شيء يجي في بالنا حيّ جاكس! عشان كذا راح تستمتع كثير فيها

عشان تتعرف أكثر على الفنون وتسجل فيها اضغط هنا 💚

بينالي الدرعية منطقة مليانة فعاليات عديدة وراح تروح لها كثير عشان تقدر تختم كل فعالياتها الرهيبة! كل اللي عليك تلحق الفرصة وتحجز تذكرتك من الآن 😍🔥

 

كيف تستمتع بيوم كامل في بينالي الدرعية؟ هنا الطريقة لاتفوتك!

التسوق

إقرأ المزيد

المزيد مثل هذا