مقاهي ومطاعم بجلسات خارجية في الرياض

مقاهي ومطاعم بجلسات خارجية في الرياض

مقاهي ومطاعم بجلسات خارجية في الرياض

بما أن الأجواء بدت تزين صرنا ندور أماكن فيها جلسات خارجية حلوة نستمتع فيها، حتى الأصناف المقدّمة وجودتها تهمنا. أعدننا في هذا المقال قائمة ببعض الأماكن المميزة جلساتها الخارجية وأصنافها اللذيذة في الرياض 👇🏼

١. أشجار كافيه بالعمارية

لو ودك بمكان رايق وبعيد عن الإزعاج بيعجبك أشجار كافيه جدًا. المكان جنب جبل وبتكون محاط بالأشجار، وتقدر تستمتع هناك بالآيسد تي وكيكة العسل لأنها أكثر شي عليه كلام، غير الأصناف المختلفة من القهوة والحلى 😋.

لو ودك حتى بتجربة مميزة أكثر، لازم تروح للمكان هناك وقت الغروب 💚.

٢. بلوم (Bloom)

بلوم هو مطعم ومقهى إيطالي داخل منطقة 303 في مركز الملك عبدالله المالي، المكان جميل وجلساته الخارجية حلوة عشان الديكور والمنطقة المحيطة فيها. يتميزون بأنهم يجهزون لك البيتزا قدامك، وحتى حلو تتمشى في المنطقة بعد ما تاكل وجبة لذيذة 👌🏼.

٣. ممشى واحة نجد

المكان مليان طبيعة وجمال، موجود فيه مقهى كاف اللي يفتح ٢٤ ساعة بجلسات رايقة. غير كذا فيه فود تركس راح تفتح قريب 😍

إذا جاي على بالك تتمشى أو تجلس مع أهلك بمكان نظيف ومرتب ننصحك فيه.

٤. سكاي ڤيو

ودك تسوي حفلة أو مناسبة وتبيها على إطلالة؟ ننصحك تروح لسكاي ڤيو لأنه يجمع ما بين المطعم والمقهى وأصنافهم ترضي جميع الأذواق 😍.

٥. منتجع سكناي

داخل منتجع سكناي يوجد مقهى رايق وبعيد عن زحمة الرياض، حتى جلساتهم الخارجية حلوة والدخول مجاني بدون حجز مسبق.

حتى لو ودك تحجز شاليه عندهم شاليهات بمساحات وأسعار مختلفة.

جربوهم وعطونا رأيكم🥰.

مقاهي ومطاعم بجلسات خارجية في الرياض

جلسات خارجية رهيبة

Exit mobile version