موقف إنساني من معلمات لطالبة ابتدائي
موقف إنساني من معلمات لطالبة ابتدائي
بالأمس انتشر مقطع فيديو لمعلمات فزّعوا لطالبه بالابتدائي والموقف كان إنساني جدًا، بعد ما كانوا مسوين حفل بالمدرسة وجميع الطلبات كانوا مستعدين ليوم الاحتفال إلا طالبة وحده ما كان عندها علم بالاحتفال وجاءت بمريولها المدرسي كأي يوم عادي!
المعلمات ما رضّوا علي اللي صار وقرروا إنهم يفزّعون لها ويلبّسونها أحلى الملابس مثل البنات وماتكون مختلفة عنهم، تواصلت المرشدة الطلابية مع أختها وطلبت منها تساعدها بأنها ترسل فستان مناسب للبنت، وبسرعة البرق الكل تعاون معها ووصلوا لها الفستان ولبسته البنت وصارت بأحلى طلّة.
الموقف جدًا جميل وفزعتهم لها تجبر الخاطر 👇🏻
يقولون الطالبة اليمنية ماكانت تدري بالحفلة، وخلال نص ساعة جتها الفزعة من بنت اخت المرشدة الطلابية .. الله يجبر بخاطرهم، ومو مستغرب علينا كشعب سعودي 🇸🇦🤍🤍 pic.twitter.com/kZjgNv9vZn
— مُنيرة آل إبراهيم 🇸🇦 (@M_ttow) May 21, 2024
من سار بين الناس جابرًا للخواطر أدركته عناية الله وهو في جوف المخاطر، جبر الخواطر خلق إسلامي عظيم يدل على سلامة صدر وعظمة قلب.
تعليقات الناس الكل يدعي لهم ومبسوط بجبر خاطر البنت 👇🏻
كفو والله
هذا اللي تربينا عليه من وحنا نصغار نحترم غيرنا ونهتم ونداري الخواطر ونجبرها 🇸🇦🤍🤍🤍ماحنا مثل بعض الدول اللي تربي على العداوه والكراهيه
الحمدلله على نعمه السعوديه 🤍🤍🤍🤍— Lulita✨ (@alzaiis) May 21, 2024
فعلًا كثير من معلماتنا الحبيبات مواقفهم عديدة وقصصهم مؤثرة الله يسعدهم
ماشاء الله ياكثر المعلمات اللي كذا الله يجزاهم خير كثير معلمات اذا شافوا بنت ماجابت لبس بحفله او قالت استاذه ماعندي حسبوها وجابوا يا من االلي عندهم او شروا وعطوها البنت ومحد يدري ابد الله يكثر امثالهن
— AMAL (@amiile_) May 21, 2024
قائمة بتضبط جدولك في الرياض
مسنين بأعمار تتجاوز ١٠٠ عام يستمرون بطلب العلم
شاب يحول حبه للبطاطس وأنواعه إلى مشروع تجاري
