آخر أفخم مطاعم الرياض اللي ممكن تزورونها بإجازتكم

آخر أفخم مطاعم الرياض اللي ممكن تزورونها بإجازتكم

آخر أفخم مطاعم الرياض اللي ممكن تزورونها بإجازتكم

مجال الأطعمة بالمملكة – وتحديدًا بالرياض- صار يبهرنا كل يوم أكثر من اللي قبله، و صار فيه تنافس كبير وتفنن تخطى حتى المكونات الطازجة والأطباق المبتكرة واللذيذة، ووصل لطريقة تقديم المشروبات الغريبة واللي تجذب الناس و لطف العاملين وحسن ضيافتهم، غير الديكورات المميزة والأجراء اللطيفة أو الحماسية اللي تلعب الموسيقى والإضاءه فيها دور كبير.

زيارة المطاعم صارت أسلوب حياة أكثر من تجربة أطباق معينة فقط، و صرنا كل يوم نسمع بمطعم جديد أو طبق جديد أحلى من اللي قبله!

طبعًا مع موسم الإجازات كثير مننا راح يزورون الأماكن اللي كانوا حابين يجربونها، ويشوفون لو هي قد الكلام اللي عليها أو لا.

جهزنا لكم قائمة بأكثر المطاعم الفخمة اللي انتشرت وتكلموا عنها الناس كثير بالرياض، واللي كلها جديدة ومعظمها ما كمّلت الا كم شهر لكنها وصلت لأنها صارت ترند وسمعتها حلوه!

مونكي هاوس 🦍

ممكن شفتوا تريند مونكي هاوس في تيك توك، واللي يسوونه الناس لما يحتفلون بأخوانهم أو القريبين منهم بمناسبة التّخرج، وصار هو الوجهة الأولى حاليا لكل حفلات التّخرج 🎓

@meeme.aa 🥳🥳🤍 #mnkyhse #منكي_هاوس #تخرج2022 #fyp #4u #riyadh🇸🇦 #viral #اغوى_كويتيين #fypシ #الشعب_الصيني_ماله_حل😂😂 #kuwait ♬ original sound – Aesthetics

كثير يمدحون عندهم تاكوز الواقيو وسلطة الكينوا، و لا تنسون تبرّدون على انفسكم مع موهيتو الباشن فروت والفراولة 🍓

كريزي بيتزا 🍕

كريزي بيتزا معروف بأنه البيتزا عندهم خفيفة مرة وأنواعها كثيرة، يعني لو تحبّون البيتزا باصولها لازم تزورونه!

إل باريتو 💙

إل باريتو يعتبر من آخر المطاعم العالمية اللي تم افتتاحها بمركز الملك عبدالله المالي، والمكان رايق مره!

راح تستمتعون فيه بمخبوزاتهم الطازجة اللي تقدم خلال ساعات اليوم، من الكروسان للصباح إلى الخبز وكرست البيتزا بالمساء

والستيك عندهم عليه كلام!

بيف بار 🥩

بيف بار لسّا كمل أسبوع من افتتاحه وكثير تكلموا عنه! المطعم جاي من مونتي كارلو للرياض, واللي يعتبر من وجهات محبين اللحم والستيك هناك

الافتتاح حاليا يعتبر سوفت اوبننق بس، يعني راح يكون مفتوح من الساعة ٦ إلى الساعة ١٠ مساءًا

 شاروخاون 😋

شاروخان يعتبر من أفخم المطاعم للمأكولات الهندية، ويقدّمون حتى مشاوي وأطباق مختلفة غير المأكولات الهندية

كثير حبّوا عندهم البرياني والمسالا، وحتى الدجاج بالزبدة لاقى اعجاب كبير من اللي زاروه

*حابين نذكركم أن معظم هذه المطاعم تتطّلب حجز 

و بالهنا والعافية عليكم جميعًا! وإجازة سعيدة ♥️

Exit mobile version