أحدث مقاهي ومطاعم الرياض
أحدث مقاهي ومطاعم الرياض
تستمر الرياض كل فترة والثانية في تجديد الأماكن فيها وافتتاح أماكن جديدة ما بين المطاعم والمقاهي والأماكن الترفيهية والوجهات العائلية وغيرها، وكل فترة يزيد التنافس بينها ويطلع كل مكان بأصناف جديدة ومميزة والكل يصير وده يجربها ويشوف ليش الكلام عليها
راح نذكر لكم في هذا المقال أبرز وأحدث مقاهي ومطاعم الرياض في هذه الفترة لو حابين تجربون بعض هذه الأشياء الجديدة 😋
١. DOH Donuts 🍩
View this post on Instagram
دوه جاينا من الكويت للرياض وهو آخر محلات الدونات اللي فتحت عندنا، ومتخصصين حتى بتقديم القهوة بعدة أنواع سواء حارة أو باردة
بحثنا عن أفضل النكهات اللي جربوها الناس واللي كانت البستاشيو والشوكولاته 🍫
موقعه بحي العقيق
٢. كيرنل كافيه
View this post on Instagram
كيرنل حاليا مسوين سوفت-اوبننق يعني ساعات عملهم أقل بمناسبة بداية افتتاحهم وكفترة تجريبية
المكان تصميمه بسيط ولكن مختلف عن كثير أماكن غيره، و موقعه على شارع التخصصي
٣. مطعم ومقهى AOK
View this post on Instagram
مطعم ومقهى AOK جاي من لندن للرياض, والحلو فيهم أنهم يركزون على تقليل استخدام السكر والغلوتين في أطعمتهم 👍🏼
أكثر شي مدحوه عندهم هو البانكيك 🥞، وموقعه في مدينة الملك عبدالله المالية
٤. بريكي
View this post on Instagram
مطعم بريكي يقدم وجبات فطور وبرانش طوال اليوم، ويقدمون أنواع قهوة مختلفة و مشروبات مثل الموهيتو والآيسد تي 😋
المطعم يتطلب حجز عبر تطبيق ReQueue، وموقعه في حي المرسلات
٥. Specifics
View this post on Instagram
Specifics يتميزون بتصميم مميز وأصناف مميزة حتى! راح تلقون عندهم مشروب الآيسد تيراميسيو ومشروب الآيسد كريم بورليه، ولو تحبون الكريم بورليه مره ممكن حتى تجربون آيسكريمهم 😋
موقعه في طريق عثمان بن عفان