قائمة ألذ الأشياء بالرياض

قائمة ألذ الأشياء بالرياض

ألذ الأشياء بالرياض

جهزنا لك قائمة متنوعه من أشياء تاكلها بالرياض سواء كانت قهوة  أو أيسكريم  أو مخبوزات😍

خلك معنا عشان تعرف وش ألذ الأشياء بالرياض

 

١- قهوة خطوة جمل

المحاصيل حقتهم جودتها عالية ويمديك تشتري البن بالكيلو وتحضر قهوتك بنفسك ولاتنسى تجرب الفلات وايت إذا كنت مصدع ورايح للدوام صدقني بيروقك.

٢- فود ترك أيسكريم جوي

لمحبين الايسكريم عمرك تخيلت أن الفود ترك ممكن توصل لهذه الجودة!

تخيل أن كل يوم ينزل عندهم نكهات جديدة ومكس لذيذ إذا تحب الفواكة جرب نكهة التفاح يقولون فضيعه🤤

٣- مطعم بلاك بارن

إذا بخاطرك تجرب البرجر على أصوله روح لبلاك بارن، الدجاج يجيبونه يوميًا طازج والخبز فرش، ننصحك تجرب برجر كرسبي أورجنال وإذا كنت تحب السبايسي لا يفوووتك برجر سبايسي كرسبي وإذا ودك بشيء خفيف أطلب البافلو بدون تردد وما راح تندم نهائيًا، لهم ثلاث فروع في الرياض فرع المغرزات – فرع المنار – فرع الملقا.

٤- رو هيلث بار

عندهم عصيرات رهيبه وكل عصير له أسم يعبر عن المكونات اللي داخله اللي بتخليك تشعر بإحساس أسم العصير. غير أنها مكونات طبيعية خالية من المواد الصناعية بتحس بكل عصير إذا شربته فعلا أسم على مسمى. ولمحبين البطيخ والنعناع لايفوتك عصير أي هاف لوف الذي يعني أنا مليء بالحب.

٥- إيزي بيكري

مين مايحب الكروسان؟ كروسان اللوز حقهم خفيف ولذيذ بيخليك تدمنه. وحتى لو ماكنت تحب الكروسان عندهم مخبوزات كثيرة لاتفوتك.

٦- حلويات صيته

وينكم يا محبين التشيزكيك👀

عندك مناسبه و متوهق؟ جبنا لك من ألذ التشيزكيك الكلاسيك من محل حلويات صيته خذها وانت مغمض عيونك ولاتشيل هم.

نتمنى تعجبكم القائمة وشاركونا وش جربتوا منها وبالعافية عليكم💚

Exit mobile version