أماكن ترفيهية ما تتفوت باليوم الوطني

Avatar
أماكن ترفيهية ما تتفوت باليوم الوطني

أماكن ترفيهية ما تتفوت باليوم الوطني

العد التنازلي لليوم الوطني بدأ وكل الأماكن صارت تقول أنا عندي الوناسه وأنا عندي العروض الحلوة 🤩.

طبعًا احتفالنا باليوم الوطني يختلف من شخص لشخص، يعني فيه اللي يحب أجواء الطرق والشوارع بهذا اليوم ويحب يصورها ويشاركها وفيه اللي يحب يقضي هذا اليوم مع أهله بالبيت وغيرها. لو ودك تحتفل هذا اليوم بطريقة جديدة وأجواء مميزة سوينا لك في هذا المقال قائمة بأبرز الأماكن الترفيهية عشان تزورها باليوم الوطني. تدري ايش الأحلى بعد؟ كل واحد من هذه الأماكن يقدّم عروض رهيبة خاصّة باليوم الوطني 🇸🇦👇🏼

١. نادي ڤوياج لركوب الخيل 🏇🏻

لو ما جرّبت ركوب الخيل من قبل هذه فرصتك! نادي ڤوياج يوفرون لك فرصة ركوب الخيل مع مدرب مختص بـ٩٢ ريال فقط. صراحة عرض يحمّس وممكن تكون هذه بدايتك بعالم ركوب الخيل!

 

View this post on Instagram

 

A post shared by Voyage Equestrian Club (@voyage_ksa)

٢. ساحة إبدأ للمغامرات 🎟

ساحة إبدأ للمغامرات تعتبر أفضل مكان تروح له مع عائلتك وكلكم تستمتعون فيه لأنه مناسب لكل الأعمار 😍.

المكان فيه ٣٥ نشاط مختلف ما بين التسلق إلى الإنزلاق الحُر (Zipline) والنطيطات وساحة اللعب للأطفال.

حتى لو ما كنت متمرس بأي من هذه الأنشطة لا تشيل هم! المكان آمن جدًا وبيكون معاك مدربين مختصين وبتاخذ كل احتياطاتك من خوذة وغيرها قبل ما تبدأ. غير كذا معظم الأنشطة لها مستويات مختلفة تناسب المبتدئين والمحترفين، يعني راح تختار المستوى المناسب لك 👌🏼.

لو كنت من أول ٩٢ زائر في اليوم الوطني راح يكون دخولك مجانًا + على كل ٤ تذاكر تشتريها راح تدفع سعر ٣ بس!

٣. دوس كارتنق 🏎

قد جربت تمشي بأعلى سرعة ممكنة وبدون حدود؟ هذا الشعور اللي بتحس فيه وأنت في دوس كارتنق 👌🏼.

تقدر تتسابق مع أصحابك في حلبة لحالكم وتقدر حتى تروح هناك عشان تعيش التجربة لحالك وتتسابق مع ناس ثانين.

٤. الساحة السعودية للتزلج 🔥

الساحة السعودية للتزلج هي المكان المناسب لمحبين التزلّج بكل أنواعه، يعني تقدر تستخدم السكيت بورد أو الزلاجات أو حتى السيكل.

حابين نقول لك أن المكان آمن تماما وبيكون معك كل الأدوات اللي تحتاجها من خوذه لغطاء الركب والأكواع. غير كذا لو زرتهم بين ٢١ و ٢٤ سبتمبر راح تكون كل دروس التزلج بـ٩٢ ريال فقط!

 

View this post on Instagram

 

A post shared by Saudi Skate Parks (@saudiskateparks)

٥. بالج بولينغ 🎳

البولينغ تعتبر لعبة ذكاء مو بس نشاط حركي، لأنها تعتمد على فهمك للمقاسات والسرعة وكثير غيرها. يعني ايش أحلى من أنك تشغل عقلك وجسدك بنفس الوقت في نشاط ممتع؟

بالج بولينغ مسوين عروض حلوة لليوم الوطني لو ودّك تجرب 👇🏼

٦. إسكيب (Escape)

تعرف شعور الحماس اللي يجيك باللحظات الحاسمة وكيف يرتفع عندك الأدرينالين؟ هذا بالضبط شعورك لما تجرّب ألعاب إيسكيب.

تختلف ألعابهم من الأنشطة الافتراضية مثل لعبة ما وراء بوابة ميدوسا إلى الألعاب الواقعية مثل تجربة السطو على البنك.

يتميز إسكيب بأنه عندك وقت معين تسوي فيه مهمة أو تحل لغز، يعني حرفيا بيكون سباق مع الوقت وهذا سر الحماس وراءها 🤩.

 

View this post on Instagram

 

A post shared by Escape KSA (@escapeksa)

نتمنى تستفيد من هذه العروض وتستمتع بكل الفعاليات 💚، ولا تنسى تشاركنا التجربة.

أماكن ترفيهية ما تتفوت باليوم الوطني

التسوق

إقرأ المزيد

المزيد مثل هذا