أماكن مميزة بالرياض غير المطاعم والمقاهي

Avatar
أماكن مميزة بالرياض غير المطاعم والمقاهي

 

عاصمتنا معروفة بتجدد الأماكن فيها وكثرتها، والدليل انك كل أسبوع تشوف شيء جديد فاتح ما بين المقاهي والمطاعم والمولات وكثير من الأماكن غيرها!

طبعًا بالرغم من اننا نستمتع بزياراتنا لهذه الأماكن، لكن أحيانًا نمل منها وودّنا نجرب غيرها

لو كنت تدور شيء مميز ومثري وممتع بنفس الوقت، فهذا المقال لك 👇🏼

١. مكتبة صوفيا

مكان رايق مره وجوّه يساعدك على القراءه أو الشغل حتى. غير كذا مناسب لكل الأعمار وتقدر تزوره مع عائلتك.

الحلو فيه حتى أنه داخله مقهى، يعني تقدر تستمتع بكتابك المفضّل وقهوتك المفضّلة بجو رايق 💚

@foton.desu مكاني المفضل الجديد 🍀 #books #booktok #booktiktok #كتب #كتب_انصح_بها #ramadan2023 #ramadan #رمضان #مكتبة #bookstore #اسامه_المسلم ♬ Cupid (Twin Ver.) – FIFTY FIFTY

أماكن مميزة بالرياض غير المطاعم والمقاهي

أماكن مميزة بالرياض غير المطاعم والمقاهي

٢. سوق الطرب

سوق الطرب هو أحد أكبر أسواق الآلات الموسيقية بالخليج، ويرجع عمره لأكثر من ٥٠ سنه.

له أسماء كثيره مثل سوق الموسيقى وسوق الحلّه، وكان هو المكان اللي ياخد منه الفنان الراحل طلال مدّاح -رحمه الله- آلاته الموسيقية

التمشية بالمكان حلوه و راح تستكشف فيه أنواع كثيره من الآلات وتتعلم عنها

أماكن مميزة بالرياض غير المطاعم والمقاهي

٣.سوق المعيقلية

زيارة سوق المعيقلية هي تجربه متكامله بحد ذاتها!

بتلقى هناك متاجر للملابس والعبايات والأحذيه والذهب والسجّاد وكثير غيرها، بالإضافة لأنه فيه هناك فعاليات بين كل فترة والثانية عند قصر المصمك.

ولو نفسك بكوب قهوة عشان تتمشى وأنت رايق، ننصحك بكوب فلات وايت من فرع إكسير البن هناك 😋

أماكن مميزة بالرياض غير المطاعم والمقاهي

٤. نادي الرياض للقولف

زيارتك لهذا النادي هي فرصتك انك تتعلم شيء جديد، وبيكون معاك مدرّبين مختصّين 👌🏼

٥. مزرعة رمضان الزهراني

هذه المزرعة بالدرعية اشتهرت بشكل كبير في الفترة الأخيره، وهي مزرعة مفتوحة للجميع وتقدر تزورها وتستمتع بهدوءها وطبيعتها.

عندهم حتى شي مميز وهو أنك تقدر تشتري من عندهم ذرة مشوية من المزرعة مباشرة 😋

هذا الثريد يتكلم عنهّا بشكل مفصّل 👇🏼

نتمنى أن هذه القائمة أعجبتك، ولا تنسى تشاركنا زيارتك لهذه الأماكن على هاشتاقنا #LovinSaudi أو تسوي لنا منشن على ستوري إنستقرام 💚

التسوق

إقرأ المزيد

المزيد مثل هذا