أفضل صالات البولينغ بالرياض مع المميزات والأسعار والأنشطة الإضافية

أفضل صالات البولينغ بالرياض مع المميزات والأسعار والأنشطة الإضافية

أفضل صالات البولينغ بالرياض مع المميزات والأسعار والأنشطة الإضافية

يعتبر البولينغ واحد من الأنشطة اللي صار لها صيت وشعبية كبيرة بالسعودية وبالتحديد الرياض لكثر صالاتها فيها، وبالرغم من تعدد هذه الصالات إلا أن اختيار الناس بالعادة يرجع لعدة أسباب و لتفضيلاتهم الخاصة: كيف الأسعار بهذه الصالات؟ ايش الخدمات والمميزات الإضافية فيها؟ وإيش ممكن نسوي بهذه الصالات غير البولينغ؟

هذا المقال راح يختصر لكم أبرز هذه الصالات بالرياض ومميزاتها وأسعارها، إضافة لكل الخدمات والأنشطة الموجودة فيها 👇🏼

١. Bob’s Famous

صالة بوبز من الصالات اللي تتميز بأنها موجودة بأكثر من موقع، مثل النخيل مول واليو ووك وبوليڤارد الرياض

أسعار اللعب هي ١٠٠ ريال لكل شخص لمدة ١٠ جولات

المكان يتميز حتى بأجواءه الحلوة، وعندهم مطعم خاص فيهم تقدرون تجرّبون فيه أطباق كثيرة مثل أجنحة الدجاج والبرقرز وغيرها

راح تلقون هناك ألعاب كثيرة مختلفة حتى، مثل البلياردو وطاولة الهوكي الهوائي وغيرها 🤩

:٢. صالات بولينغ ڤوكس سينما 🎳 يلا بولينغ

اللي يميز صالات البولينغ لڤوكس سينما أنك تقدر تستمتع بالتجربة هناك وتنهي تجربتك بأي فيلم تحبّه

أسعارهم هي ٥٠ ريال للشخص لعشرة جولات، وعندهم عدة فروع مثل فرع الرياض پارك وفرع القصر مول

٣. واي فاي بولينغ

واي ڤاي بولينغ يتميزون بأنه عندهم دور كامل خاص بالنساء، وأسعارهم مناسبة جدًا واللي هي ٤٠ ريال للشخص

غير كذا راح تلقون عندهم عدة ألعاب ثانية مثل ألعاب الطاولة وألعاب الأركيد 🎰

٤. قو بولينغ

قو بولينغ يتميز بأنه مناسب لكل الأعمار، وتقدرون حتى تحتفلون فيه بأطفالكم مثل حفلات النجاح وغيرها 🥰

أسعاره تختلف على حسب العمر، ويتميز بأنه يحتوي على ألعاب كثيرة مثل الترامبولين ولعبة الليزر تاق والهوكي وغيرها

٥. سترايك تِن

سترايك تِن له فرعين بالرياض في النخيل مول والحمراء مول

وأسعارهم هي ١٠٠ ريال للشخص لمدة ١٠ جولات

هل تشوف أنك محترف بالبولينغ 🤔؟

يمكن بعضكم يشوف أنه البولينغ مجرد تسلية، لكن تعرفون أنه فيه بطولات عالمية وجوائز كبيرة لمحترفين البولينغ؟

تقدرون تطّلعون على حساب الاتحاد السعودي للبولينغ في انستقرام وتشوفون أبطال البطولة السعودين وين وصّلوا وتتعرفون عالرياضة بشكل أكبر 🤩

Exit mobile version