إعلانات “تنفّس صيف السعودية” في عسير والباحة بعدسات شباب سعوديين مبدعين تبهر الجميع
جالسين “نتنفّس” الإبداع من شبابنا .. وعشان كذا جالسين نشوف الجمال الحقيقي لبلدنا
بعد اطلاق رؤية 2030 صار فيه نشاط كبير على عدد كبير من القطاعات والمجالات، طبعًا الكل ملاحظ تطوّر مجالات السياحة والترفيه والإعلام ?
وبالحقيقة كلهم يكملون بعض .. لكن الشي الجميل شفنا إبداعات الشباب السعودي على مستوى عالي وبشكل رسمي ولله الحمد ?
وهذي وحدة من كثييير من منافع الرؤية اللي هي الإيمان بقدرات الشباب من النساء والرجال ?
مين فينا ما يذكر موسم الرياض وموسم الدرعية ؟
شفنا أفلام قصيرة من الحملات الإعلانية لهالمواسم، وكانت رهيييييبة .. ومازالت إلى الآن تستخدم كمواد في الأخبار وفيديوات للأغاني والإعلام بشكل عام، وإلى قداااام لأنها تستاهل تكون بالأرشيف !
موسم صيف السعودية “تنفس” هذا العام استثنائي، بحكم ان 80% من مواطنين ومقيمين السعودية يفضلون السياحة الداخلية في وقت جائحة كورونا -الله يبعدها عنكم الشر جميعا-، وبالفعل تم اطلاق الموسم من نصف يونيو ويستمر إلى نهاية سبتمبر 2020 ?
إعلانات عسير والباحة من فريق “داو هاوس” تخطف الأنظار فعلًا ! ?
مع نهاية شهر يونيو نزل إعلان رهيييب لمنطقة عسير وهي وحدة من الوجهات العشر لموسم صيف هذا العام
بعدها بأيام نزل إعلان لوجهة ثانية وهو لمنطقة الباحة، وما زالت أصداءه رهيبة إلى الحين .. وكل هذي الإعلانات كانت من شغل فريق “داو هاوس” المبدعين ?
قرابة الـ 20 مُبدع كانوا فريق عمل ناجح لإظهار هذي الأعمال الرائعة، وكان فيلم عسير من إخراج ناصر مبارك وفيلم الباحة من إخراج ابراهيم الشهري
أيضا الرؤية الإخراجية والمونتاج من ابراهيم الشهري، عبدالجبار بخش وعبدالله الغامدي في الإنتاج، محمد المرحبي وحمزة الغريبي كمنتج منفذ
إدارة فنية من عبدالله الجبيلة، وفي الفريق الإبداعي وليد الجابر ورضوان جمال، وإدارة تصوير ودرون مع بسّام الشرعبي ومحمد بن أحمد وخالد الكثيري وابراهيم الشهري
ريس درون مع مبارك الجميلي وماطر العريفج وعبدالله الغامدي، وآدم عبيدي ومعاذ بدر كمساعد تصوير، ومنتظر في الإضاءة، ومحمد الشوقبي كمنسّق
شغل جبّار يعطيهم العافية .. وبانتظار الإبداعات اللي جاية اللي نشوف فيها جمال مدننا الحقيقي ?
إعلان عسير .. اكتشف جمال الطبيعة ?
https://www.instagram.com/p/CCgmkzbFFnr/
ثاني الأعمال .. الباحة ?
https://www.instagram.com/p/CCy6Sjql2WM/
