السواقة في الرياض غير
![](https://cdn.lovin.co/wp-content/uploads/sites/13/2024/05/27140331/IMG_1046.jpg)
السواقة في الرياض غير
السواقة جزء لا يتجزأ من حياتنا اليومية سواء أنت سائق أو راكب, وبحكم المساحات الكبيرة بين المدن من فينا ما جرب يمسك خطوط
وإذا أنت حاب تزور الرياض بسيارتك نصيحة لك بخصوص هالموضوع, الرياض هي عاصمة دولتنا الحبيبة وتتميز بأنها مدينة حيوية وسكانها من جميع مناطق المملكة الشيء هذا خلق بيننا لغة جديدة بالسواقة ما يفهمها إلا اللي يسوقون بالرياض ومتفاهمين في ما بينا لا تستغرب من بعض الأمور اللي تواجهك بالسواقة حنا فاهمين بعضنا ولنا عادات مختلفة في السواقة عن المناطق الباقية
أمثلة لعادات السواقة بالرياض
إذا أنت في طابور إشارة حمراء وجاء إثنين من يسارك يمشون بسرعة بطيئة أعرف أنهم ينتظرون الإشارة تفتح وبيدخلون الطابور ممكن يقع اخيارهم عليك
إذا أنت في زحمة وواقف الشارع تمامًا وجلست في طابورها نص ساعة لا تنصدم اذا الحادث بالجهة المقابلة ترا كل اللي قدامك كانوا يتفرجون على الحادث
نوعية سيارتك مهمة في التعامل معاك اذا كانت سيارتك مرتفعة وحجمها كبير لك تعامل مميز عندنا لك أحقية تسوق بسرعة تهدي أو ما تفتح الطريق أو تصعد فوق الرصيف
وإذا سيارتك صغيرة ومضللة وفيها صدمات ممكن يكون لك صلاحيات مرور خاصة فيك والكل بيفتح لك الطريق أو ممكن تجي من أقصى اليمين وتوقف بالعرض علشان تكون أول واحد عند الإشارة