الويكند على نيتفلكس
أحيانا الواحد من تعب الأسبوع ومن الكرف اللي يحصله أول ما يجي الخميس ما يطلع من البيت ويفضل انه يقضّي الويكند على نتفلكس وعلى مسلسلاته وأفلامه .. وبيني وبينك مب لازم كل ويكند تطلع! جرب مره تقعد مع أهلك ولا حتى لحالك وتتابع أفلامك أو مسلسلاتك وتضبّط لك جلسة وحركات مع مؤونتك المفضلة وقهوتك .. ولا أحلى من ألف طلعة.
الحين لو تفتح نتفليكس كم مسلسل واقف بنصه ماكملته؟ أنا أقول أسحب عليه وشيك على القائمة اللي سويتها لك
جهزت لك قائمة مسلسلات وشوية أفلام متنوعه وحلوة على نتفليكس خذ اللي يعجبك منهم:
نبدأ قائمتنا بمسلسل رعب بس لا تصير خواف وتغمّض عيونك بنص الفيلم!
Archive 81 -1
المسلسل أخذ المركز الرابع بالمملكة على نتفليكس و تدور أحداثه عن ظواهر مرعبة وخارقة بمدينة نيويورك من خلال تسجيلات صوتية تضررت بسبب حريق ويحاولون بعض الأشخاص أنهم يصلحونها، لكن المصيبة الكبرى تجي بعد ما يشوفون اللي بالتسجيلات وتبدأ الأحداث المرعبة .. متابعة ممتعة
Stay close -2
المسلسل الثاني مسلسل محدود ومركزه التاسع على نتفليكس بالمملكة، تدور أحداثه عن شخص يعيش حياته بشكل طبيعي حاله حال نفسه وبكاميرته، لكن بعض الصور اللي صورها صدفة جابت فيه العيد وبتقرّبه من أشياء سرية وخطيرة!
Don‘t Look Up -3
فلم مدته ساعتين وأخذ المركز السابع بنتفلكس بالمملكة. تدور أحداثه حول خبر سيئ يوصل للأرض عن إقتراب جسم ضخم راح يصدم الأرض والأسوأ أن الكل متجاهل الخبر!
Army of Thieves -4
هالفلم رهيب ومختلف عن أفلام سرقة البنوك اللي شفتها من قبل! تدور أحداثه حول مجموعة لصوص يخططون يسرقون أكثر الخزنات صعوبة ومحد يعرف كيف يفتحها إلا شخص واحد فقط.
Anna -5
في المركز الأول على نتفليكس بالمملكة وتدور أحداثه عن إمرأة تصبح قاتله بالمخابرات السوفييتية وتتخفى كأنها عارضة أزياء في “باريس” وهل يا ترى تنكشف؟
Snow piercer -6
نختم قائمتنا بالمسلسل الخطير اللي تحول فيه العالم لجليد صاقع وأرض متجمدة! يعيشون الناس في أحداث الفيلم بقطار ماله وجهة محددة يدور حول الكره الأرضية بلا توقف بـ120 عربة فقط !
