بالرياض ومحتار وين تطلع بالويكند؟
الويكند بالرياض عبارة عن ناس يركبون السيارة ويقعدون يدورون ماهم عارفين وين يروحون
رغم الأماكن الكثييرة والجميلة إلا انهم يحتارون وين يروحون.
وانا هنا جهزت لك بعض الأماكن اللي تقدر تقضّي فيها الويكند بدال ما يضيع عليك بالسيارة.
اذا ودك تطلّع طاقة الأسبوع وتحلل الكرف أنصحك تروح
ونتر وندر لاند
تناسب الكبير قبل الصغير وتطلّع طاقة الأسبوع بالألعاب والفعاليات الموجودة
واهم شي فقرة الهروب والركض من الزومبي هي حلاة الونتر لاند واصلاً اذا ما لحقك زومبي فأنت ما رحت الونتر
@nj.od8 ويابببويا توووبتي🕺🏻😂 #اكسبلور #ونترلاند #ونتر_وندرلاند_الرياض #ضحك #بيت_الرعب #الرياض #اكسسبلور ♬ الصوت الأصلي – نـجـود🦌
تذاكر الدخول: من السبت الى الأربعاء بـ 55ريال
تذاكر الدخول: يوم الخميس والجمعة بـ 110 ريال
وتقدر تحجز تذكرة من موقع موسم الرياض
واذا كنت تبغى مكان هادي ورايق تريّح فيه اعصابك بعد شغل الأسبوع أنصحك تروح لـ
منتزه السلام
مناسبة للكل والمكان رايق والمناظر تفتح النفس وتريّح العين من جمالها من المسطحات الخضراء والبحيرات والحيوانات وأنواع النباتات والعروض الفنية والموسيقية وبرضوا من روعتها فازت بالجائزة البرونزية للمشاريع البيئية والترويجية, وتتميز بمساحتها الكبيرة اللي توصل الى 312الف متر ! واو.
وفيها عدة مناطق مختلفة, منطقة البحيرة ومنطقة المسرح ومنطقة الطيور وغيرها كثير كل منطقة تتميز عن الثانية, والمكان عجيييب وأنصحك تروح له وتراها تعتبر من أجمل حدائق الرياض.
والدخول لها مجاناً وبدون حجز
المكان مفتوح لك طوال أيام الأسبوع من الساعة 4:00م الى 2:00 ص.
وفي نهاية الأسبوع من 2:00م الى 2:00 ص
أما اذا كنت حاب مطاعم أو كوفيات حلوة .. فأترك موضوعك عليّ وأختار اللي يعجبك
نبدأ بـ
لاروز لاونج
مطعم ولاونج من أجدد الأماكن واللي أنصحك تروح لها! حتغير جو وبرضوا حتستمتعون فيه.
المكان جداً راقي وأنييق والمنيو متنووع مابين المأكولات والمشروبات الساخنة والباردة وأكيد الحلا موجود, وعندهم كل شي بيعجبك! وعندهم جلسات داخلية وخارجية. والخارجية خطيييرة
موجود في حي حطين وهذا الموقع على خرائط قوقل
وهنا لو ودك تنبهر أكثر وتطير بالخيال روح لـ
ذا جروفز
المكان اللي مهما صوروه إلا أنه بالواقع أجمل بمليون مرة, أجواءه هادية ولطيفة وراح تلقى فيه مجموعة براندات ومطاعم حصرية وبرضوا عروض فنية ..
وبهذي الأجواء بالذات لا تفوت ذا جروفز تراه جاي مع موسم الرياض وبيقفل في يوم 11 من شهر مارس ألحق عليه!
تذكرة الدخول بـ 100ريال فقط.
وتقدر تحجز تذكرة من موقع موسم الرياض
واذا كنت من عشاق الشاي تعال هنا مكانك.
Birds of Eden
جبت لك مكان هادي على جو محبين الشاي
متخصص بالشاي ! وبرضوا عندهم أكلات خفيفة متنوعة, اذا أنت من أهل الشاي وما تروق إلا عليه المكان ينتظرك.
