أجواء المملكة في الصيف معروفة من زمان درجات حرارة مرتفعة وتوصل إلى 50 درجة وممكن تعديها بعد، هذا الكلام في أغلب المناطق في السعودية مثل جدة والشرقية والرياض لكن جنوب المملكة الوضع عندهم مختلف أمطار صيفية وغيوم ويمكن في بعض الأحيان ينزل عليهم برد في عز الصيف.

امطار غزيرة مع برد #السودة الان تصوير عضو الفريق احمد السفياني #عسير pic.twitter.com/hp9uhHmkze

— #فريق_طقس_المملكة 🇸🇦 (@saudiweathergr) July 13, 2024

موصى به

الضحك مو ترفية..هو أسلوب حياةألذ مطاعم سمك في الرياضشاطئ رملي جديد في الخبر

مثل ما أنتم شايفين الله يبارك لهم سيول وأمطار وبرد وهذا الشيء عكس اللي حاصل في باقي المناطق على سبيل المثال جدة.

رطوبة عاليه في جدة يا اخوان 😅 pic.twitter.com/7KG3ZLz1kL

— أخبار جدة | سعيد الشهري (@jeddahnews_) June 21, 2024

وهذا الشايب الله يحفظه قاعد يعاني من الأجواء في جدة والرطوبة العالية وهذا شيء طبيعي ومتعودين عليه من زمان ولكن الدكتور الزعاق عنده كلام ثاني.

الحاضر يعلم الغايب 📢#من_جديد#AD pic.twitter.com/7oOqzzEOMT

— د.خالد صالح الزعاق (@dralzaaq) July 17, 2024

مثل ما تشوفون الزعاق يبشر أهل جدة بشهرين تعدل المزاج والنفسية بس وش تتوقعون بيصير في ذي المدة هل ممكن نشوف مطر أو نتأمل برد على جدة ولا بس بتنزل درجات الحرارة شوي 🤔

الزعاق مو شخص بسيط في مجال الطقس والفلك وغالبًا كلامه يكون في محله، والزعاق شخصية قريبة مننا كثير ونحب نسمع منه بأسلوبه العجيب وإذا حاب تعرف قصته من كاره للأمطار والفلك وكيف تحولت إلى حب وتقدير تقدر تضغط هنا

ممكن تتسائل عن الرياض وهل ممكن تجينا هذه الموجة اللي تكلم عنها الزعاق، حتى الآن مافي جديد على المنطقة الوسطى الوضع مثل كل سنة حر شديد ولكن في حال تبي تغير جو جرب تطلع من الرياض وتروح القرى اللي حولها بتلاحظ الليل عندهم أبرد بكثير من حرارة المدينة، على سبيل المثال العيينة والعمارية ولكن لازم تختار مكان قريب من المزارع اللي هناك.

وفي حال ما تبي تطلع من الرياض وودك مره تبرد على عمرك جرب تطبق بعض الأفكار الموجودة هنا

نتمنى لك صيف أبرد ☀️