سبب هاشتاق فيصل العتيبي في تويتر

loovinsaudi
سبب هاشتاق فيصل العتيبي في تويتر

سبب هاشتاق فيصل العتيبي في تويتر

تعرّض فيصل العتيبي للتنمر خلال بث مباشر في برنامج التيك توك وتعليقات عنصرية على لون بشرته، وهذا الشيء زعّل فيصل وأجبره يرد عليهم ”أنا عتيبي غصب عنك.“

الناس تداولوا الفيديو اللي طلع فيه فيصل وهو يرد على المتنمرين ويقول ”أشغلتونا الله يرحم والديكم. اللي قاهرني يقولون ما أنت عتيبي، وأنا عتيبي غصب عنكم. أنا ساكت ومتحمل“.

وطلع فيصل العتيبي في مقطع ثاني يوضح فيه بأنه عطّل كل حساباته في مواقع التواصل الإجتماعي إلا برنامج السناب شات، وذكر أنه ما يبغى يشتهر بهذه الطريقة.

تعاطف الكثير من المؤثرين الإجتماعيين على مواقع التواصل مع فيصل العتيبي.

وكان كثير منهم يدافعون عنّه

وذكر كثير منهم أن موهبته مميزة ويستحق يشتهر بسببها

كلنا لك يا فيصل العتيبي 💚

طلع هاشتاق لفيصل العتيبي باسم #كلنا_لك_يافيصل_العتيبي، وهو يعتبر اهداء من محبينه و سبب اختيار هذا الهاشتاق كان بناء على أول أغنية غناها فيصل واشتهر بسببها ”كلنا لك“💚.

هل فيصل العتيبي بيعتزل؟

فيصل العتيبي طلع أمس في مقابلة وضّح للناس فيها انه ماكان متوقع بأن المقطع ينتشر بهذا الشكل، وقال أنه يتعرض للتنمر والعنصرية من ٢٠١٥ وأنه حتى لو عطّل كل حساباته مايسلم من كلام الناس.

تستاهل يا فيصل كل خير وكلنا معك 🇸🇦

حقوق الصور: ١

التسوق

إقرأ المزيد

المزيد مثل هذا