إذا كنت من أهل الرياض أو حتى زرتها من قبل، أكيد لاحظت الشعور الغريب اللي يجينا أول ما يبدأ المطر ينزل. فجأة تلاقي الشوارع تهدى، الناس يطلعون للشبابيك، والسيارات تمشي بهدوء وكأنها تستمتع باللحظة. بس السؤال اللي دايم يدور في بالنا: ليه مطر الرياض له طعم مختلف؟

المطر نادر في الرياض!

أول وأهم سبب هو إن المطر في الرياض نادر. مو زي باقي المناطق اللي المطر جزء من حياتهم اليومية. أهل الجنوب عندهم غيوم ومطر بشكل مستمر، والشمال نفس الشيء وقت الشتاء. أما في الرياض، إذا نزل المطر نحس كأنه “ضيف عزيز” وما نبي يفارقنا.

@alrhwe14 #رجال_المع #تصويري📸 #امطار_الجنوب ♬ الصوت الأصلي – القحطاني 🇸🇦 .

ريحة الأرض بعد المطر.. شي ثاني

أهل الرياض دايم يلاحظون إن ريحة الأرض بعد المطر غير. والسبب إن الرياض محاطة بالصحراء، فلما تنزل أول قطرة، الأتربة الجافة تمتصها بسرعة وتطلع ريحة مميزة يسمونها “رائحة الأرض”. هذة الريحة مرتبطة بذكريات عند كثير ناس، ودايم تعطي شعور بالهدوء والراحة.

موصى به

رسميًا لوسيد تنضم لبرنامج صنع في السعوديةليه مطر الرياض له طعم مختلف؟مناطق المملكة تنتعش بالمطر والسكّان يوثقون بالصور

المطر والمقاهي

واحدة من العادات اللي صارت مرتبطة بمطر الرياض هي الجلوس في المقاهي. كثير ناس يحبون يجلسون في “كافيهات” فيها جلسات خارجية بس عشان يعيشون اللحظة بالمناسبة عندنا قوائم مقاهي في الرياض. كوب قهوة، ومطر خفيف، وأغاني فيروز أو عبادي الجوهر تشتغل في الخلفية.. مزيج مثالي يخلي أي شخص يحس إنه في فيلم.

@ohoh2389 من العادات اذا الجو غيم لازم اتقهوى قدام الماليه في احد مثلي 😅❄️⛄️☔️#مطر #الرياض #تغطيات #جديد_الرياض #كافيهات #اماكن_الرياض #2025 #ترند #قهوة #امطار_الخير #برد #الماليه #الماليه_الرياض ♬ الصوت الأصلي – نُ

البر بعد المطر.. أجواء ما تتفوت

بعد المطر، كل عائلة أو مجموعة شباب تلقاهم يجهزون عزبتهم ويتجهون للبر برضو عندنا قوائم للأماكن البرية في الرياض. الأرض تكون رطبة، وريحة العشب تظهر، ويبدأ موسم الشواء والشاهي على الجمر. المطر بالنسبة لأهل الرياض هو “بداية” لكشتات البر، وأي عذر لطلعة يزيد من قيمته.

@a_9115 🌷❤️💦 #امطاراليوم #المزاحميه #بر #الرياض #rain #tiktok ♬ ريفّ – S-15

مطر الرياض له جو خاص لأنه يجمع بين ندرة الحدث، وجمال الذكرى، والطقوس اللي صارت مرتبطة فيه. يمكن يكون بسيط، لكنه يحمل معاني كثيرة لكل شخص عاش أو كبر في الرياض.

ليه مطر الرياض له طعم مختلف؟