د . إAEDSRر . س

ما هو أفضل تخصص جامعي؟

Article Featured Image

 

بكل بساطة التخصص اللي تحبه!

لا تهتم باحتياج السوق قد ماتهتم بنفسك تميل لأيش؟ لأن السوق يتغير وما تضمن لما تتخرج للحين يحتاجونك أو لا..

تخصص باللي تحب، راح تؤدي عملك بكامل شغفك وحبك، وحتى راح تطور من نفسك بشكل مستمر وماراح توقف لما تكون الأفضل فيه.. لأنك بكل بساطه تخصصت باللي تحبه !

لكن السؤال المهم : كيف تعرف التخصص اللي أنت تحبه وعلى جوك ؟

عشان تعرف تخصصك المناسب لك لازم تعرف قدراتك ومهاراتك واهتماماتك تميل لأيش؟ لأنك لما تؤدي عمل يناسب اهتماماتك وقدراتك وتكون قيمته عالية عندك، فأنت راح تمارسه بكامل الشغف..

اختار التخصص اللي تصحى من نومك وكلك حماس إنك تروح للجامعة وتحضر له. وعشان تساعد نفسك أكثر تخيّل نفسك موظف في مجال تخصصك اللي تحبه وتعرّف على طبيعة الوظيفة بعد التخرج وتعرّف على الشركات الناجحة بمجال التخصص واقرأ عنها وإذا قدرت زورهم !

الفكرة إنك تبحث عن عمل مستعد تصحى كل يوم من عز نومك لأنك تحبه ومبسوط أنك بتسويه، وهنا أنت بتعرف التخصص مناسب أو لا.

 

وممكن إنك تنجذب لتخصصك وبعدين تكتشف إنه مو جوك أو ممل! إما أثناء الدراسة أو بعد التخرج.

لا تكابر عادي جداً ارجع لنفسك مرة ثانية ولا تندم على السنوات اللي فاتت. الجامعة فكرتها تعلّمك التخصص مو تخليك خبير فيه!

مهم إنك تفرّق بين التخصص اللي بيوظفك وبين الهواية اللي تحبها بس مالها مستقبل!

وفي أشياء كثير تأثر باختيار التخصص منها:

– القبول بالجامعة

– معدلك

– اللغة

– المدينة

وكل ما اكتشفت نفسك بدري كل ما ارتفع حظك بأنك تختار تخصصك المناسب.

و أهم حاجة هي أنك لازم تبني لنفسك ميزة تنافسية تساعدك بتخصصك وبالوظيفة

 

طيب.. كيف تبني لنفسك ميزة تنافسية؟

تخلص من الخوف! الخوف أكبر قوة توقف أحلامك .. وتشتت الإنسان وتقتل المواهب وتحرمك من الإبداع والتطور. الخوف يخليك تعيش حياتك مثل ما الناس يبغون , مو مثل ما أنت تحب.

لا تخاف تتخلص من تخصص أو عمل تسويه لسنوات طويلة و أنت ماتحبه.

 

 

ستيف جوبز يقول:

سوف يملأ عملك جزءًا كبيرًا من حياتك ، والطريقة الوحيدة لتحقيق الرضا الحقيقي هي أن تفعل ما تعتقد أنه عمل رائع. والطريقة الوحيدة للقيام بعمل رائع هي أن تحب ما تفعله

 

وارن بافيت :

هناك وقت يجب أن تبدأ فيه فعل ما تريد. قم بالعمل في وظيفة تحبها وتجعلك تقفز من السرير كل صباح. من المؤسف أن تواصل شغل الوظائف التي لا تحبها لأنك تعتقد أنها ستبدو جيدة في سيرتك الذاتية 

جورج هجيل:

“مامن شي عظيم في العالم تم إنجازه دون شغف!”

هذي نصائح العقول الملهمة، ومعنى كلامهم أن النجاح هو أن تحيط حياتك وتملأها باللي تحبه، وراح تصادف أشخاص كثير يزرعون فيك الخوف والإحباط الداخلي عشان ما توصل لنفسك! راح تلقاهم قريب منك وفي كل مكان، لكن كل اللي عليك هو أنك تتجاهل وتسمع لنفسك لأنك أكثر شخص يعرفك .

قد تحب أيضا

مواقع لوڤن الأخرى

Thank you for subscribing!

Your email has been added to our list.

lovin.co/saudi/ar says

هل توافق على مشاركة موقعك معنا؟