د . إAEDSRر . س

مجمع ذا إسبلاند: تعرّفوا عليه وأبرز الأماكن فيه

Article Featured Image

مجمع ذا إسبلاند: تعرّفوا عليه وأبرز الأماكن فيه

مجمّع ذا إسبلاند يعتبر من آخر المجمعات اللي فتحت في الرياض وبدأ ينتشر بسرعة كبيرة، وهذا الشئ يرجع لعدة عوامل منها مكانه الاستراتيجي وتنوع المطاعم والمقاهي فيه والأنشطة الترفيهية مثل صالة البولينغ والسينما، غير انه مناسب للتمشية 💚

موقع المجمع هو على طريق الأمير تركي الأول بجانب جامعة الملك سعود

من الجدير بالذكر أن المجمّع ما زال غير مكتمل ١٠٠٪، يعني ما زال فيه فرصة أنه يكبر أكثر وتفتح فيه أشياء رهيبة 🤩

إذا لسّا ما زرتوا هذا المجمع أو حابين تعرفون ايش الأشياء اللي ممكن تزورونها المرة الجاية كملوا هذا المقال 👇🏼

أبرز المقاهي في مجمّع ذا إسبلاند

تختلف المقاهي في المجمع وهذا شي حلو لأنه يرضي مختلف الأذواق، وهذه هي أبرزها

  • سوشيال كافيه

سوشيال يعتبر مقهى ومحمصة بنفس الوقت، يعني لو حبيتوا قهوتهم تقدرون تاخذون من محاصيلهم وتسوونها بنفسكم بعدين 😋

المكان مشهور لأجواءه المريحة وإضاءه الشمس فيه بالصباح 💕

  • محبين الكوكيز وينكم؟

إذا كنتوا تحبون الكوكيز لازم تجربون CHBY Cookies لأن كثير يقولون أنه ألذ كوكيز ممكن تذوقونه بالرياض!

 

View this post on Instagram

 

A post shared by @lee.phtg

  • مقهى كالدي

مقهى كالدي يتميز بأنواع المشروبات المختلفة من القهوة للموهيتو، وأنواع الحلا عندهم مختلفة لكن أكثر شي مشهور عندهم هو الوافل بأكثر من نكهة، غير نكهات الآيسكريم المختلفة الموجودة عندهم مثل الباشن فروت وغيره

ويمدحون عندهم مشروب مميز بعد واللي هو قهوة الهيل 😋

 

View this post on Instagram

 

A post shared by Raseel Ibrahim (@raselalamar)

  • أبرز المطاعم في مجمّع ذا إسبلاند

المطاعم في مجمع ذا إسبلاند تعتبر مختلفة بعد، وراح تلقون عندهم أطباق كثيرة من المأكولات الهندية إلى الستيك والمخبوزات وغيرها، وهذه هي أبرزها

  • مطعم موهلا الهندي 🇮🇳

مطعم موهلا يقدّم العديد من الأطباق الهندية المشهورة ويتميز بأن أسعاره تعتبر معقوله، غير الڤيو الحلو لو أخذتوا طاولة بالجلسات الخارجية في الدور الثاني ✨

المكان واسع جدًا، والخدمة فيه ممتازة

  • مطعم أركومي 🕊

مطعم أركومي راح يجذبك من قبل ما تدخله حتى عشان تصميمه المميز والمريح، وراح تحتار إيش أحلى: الجلسات الداخلية أو الخارجية؟

المطعم مشهور بالمأكولات الخفيفة ووجبات الفطور مثل المخبوزات، غير أنواع البيتزا الشهية، وعندهم أنواع قهوة كثيرة

  • أوكسار لمحبين الستيك

أوكسار يتميز بأن كميات الأكل فيه مناسبة لأسعاره ومعقوله، ويُفضّل تحجزون قبل ما تزورونه

  • مطعم Roar لمحبين البرقر

مطعم Roar يقدّم برقر الدجاج واللحم، غير الأطباق الجانبية واللي كثير يمدحون منها سلطة السيزر، وأسعاره تعتبر معقولة ومناسب للمجموعات

  • صالة البولينغ 🎳

اللي حبّوا المكان راح يحبونه أكثر مع صالة البولينغ هذه! تقدرون تتعرفون عليها وعلى أسعارها عبر التواصل مع ڤوكس سينما

 

View this post on Instagram

 

A post shared by Emmy🌺 (@emmy_uu)

  • ڤوكس سينما 🎥

يتميز المجمّع حتى بڤوكس سينما وينفع للي حابين يقضون ليلة كاملة مع أهلهم ويتفرجون على شي يحبونه سوا ♥️

نتمنى تستمتعون بزيارتكم وين ما اخترتوا تروحون في مجمع ذا إسبلاند 🥰

قد تحب أيضا

مواقع لوڤن الأخرى

Thank you for subscribing!

Your email has been added to our list.

lovin.co/saudi/ar says

هل توافق على مشاركة موقعك معنا؟