مجمع پارك أفنيو: جديد الرياض وأبرز المقاهي والمطاعم فيه

مجمع پارك أفنيو: جديد الرياض وأبرز المقاهي والمطاعم فيه

مجمع پارك أفنيو: جديد الرياض وأبرز المقاهي والمطاعم فيه

وش سبب انتشار المجمعات بشكل كبير عندنا؟

المجمعات هي أفضل وجهة للمجموعات الكبيرة، بالأخص إذا صارت أذواقهم مختلفة! اللي يحب الأطعمة الآسيوية راح يلقى اللي يعجبه، واللي يحب المشروبات الباردة أكيد راح يلقى اللي يبرد على قلبه، واللي نفسه يشتري هدية أو شئ يكافئ نفسه فيه يقدر يشوف المتاجر الموجودة بالمجمّعات هذه.

يعتبر مجمّع پارك أفنيو آخر المجمعات اللي فتحت بمنطقة الرياض وبالتحديد في حي قرطبة (طريق سعيد بن زيد)، والحلو فيه أنه كبير وواسع لدرجة أنه فيه ٣ أدوار!

يتميز هذا المجمّع بتصميمه المختلف ومن أكثر الأشياء الي تجذب الناس له هو أشعة الشمس اللي تدخل من كل مكان ☀️

بنعرّفك في هذا المقال على أبرز الأماكن في مجمع پارك أفنيو، سواء كانت مقاهي أو مطاعم أو متاجر 👇🏼

أبرز متاجر المجمّع 🛍

يتواجد في المجمّع محلات كثيره لعلامات تجارية محلية مثل مكياجي وعبد الصمد القرشي، غير العلامات العالمية مثل زارا وسكتشرز، وحتى لو تبي صيدلية بتلقى صيدلية وايتس هناك

أبرز المطاعم والمقاهي 😋

تشتهي قهوة مع حلى؟ أو ودك بفطور خفيف فـ OLÉ هو المكان المناسب
كثير يمدحون توست الأفوكادو، وبالنسبة للحلو ننصحكم تجرّبون كيكة التمر
وعندهم آيسكريم عليه كلام لو ودكم تبرد على نفسك

أنت من فريق القهوة؟ والا الموهيتو؟

ايش ما كنت تحب بتلقى الخيار اللي يعجبك عند اوڤردوز

مطعم تابلاين يتميز بأنه متخصص ببرقرات الدجاج، وراح تلقى أصناف جانبية عندهم مثل الداينمايت شريمب

الحلو فيه أنه أسعاره معقوله جدًا، سواء كانت وجبات رئيسية أو أطباق جانبية

مطعم بوشاك هو أفضل مكان ممكن تزوره لو ودك بالأكل الهندي على طابع عصري

كمية البهارات في الأكل تعتبر مناسبة، وعندهم طبق التيكا فرايز المميز اللي يبي له تجربه 😋

الأماكن الترفيهية في مجمّع بارك أفنيو 🎳

ايش ما كانت الأفلام اللي تحبّها سواء أكشن أو رعب أو أفلام واقعية راح تلقى الخيار اللي يناسبك بصالات ڤوكس السينمائية في المجمّع

أما لو تحب الحركة وتحبون تطلّع طاقتك راح تعجبك صالة البولينغ Bob’s Famous Bowling واللي تقدر تلعب فيها ألعاب كثيرة غير البولينغ، زي الهوكي الهوائي وغيرها 🤩

وبالنهاية نتمنى تستمتعون بالزيارة 💚

Exit mobile version