محتار وين تمشي بالرياض؟ هذه القائمة لك

محتار وين تمشي بالرياض؟ هذه القائمة لك

محتار وين تمشي بالرياض؟

زانت الأجواء وجاء الوقت اللي تقدر تطلع فيه بدون ماتشيل هم الوقت وتتمشى بجو يفتح النفس 😍

هنا راح نعطيك خيارات بأماكن تقدر تمشي فيها 👨🏻‍🦯

ممشى حي الشهداء

الممشى جامع لك كل شيء تحتاجه وقت تطلع تتمشى أو بعد ما تمارس رياضة المشي.

فيه فود ترك متنوعة للأكل والقهوة، ولو معك أطفال يقدرون يستمتعون بالملاعب والألعاب المخصصة لهم هناك 💚

ممشى محمد القاسم

!أهل الشرق لايفوتكم هالممشى

ممشى محمد القاسم يتميز بأنه مليان ألعاب حركية للأطفال وللكبار، غير المسطحات الخضراء الخيالية! وأكثر مكان ينفع لو كنتوا مجموعة كبيره 👍🏻.

 

ممشى تلال الرياض

من أحلى أماكن التمشية بالرياض، وفيه حديقة داخلها مقهى اسمه عصفورة ونتوقع يكون مع الشتاء ولا أحلى 💆🏻‍♀️.

ممشى ام عجلان

ممشى هادي جداً ومناسب للعوائل وفيه كل اللي ممكن تحتاجه مثل المساجد ودورات المياه، وفود تركس موزعه في المكان.

⁃حديقة عجلان واخوانه 🤩
مكان للتنزه و المشي ومساحتها كبيره
الموقع : حي القيروان .. موجود بقول ماب 👇 pic.twitter.com/KGYO25HFEG

— دح ☕️ (@DHDH9933) April 24, 2021

ممشى الغدير

الحلو بالممشى المنظر اللي تشوف فيه عين الرياض ونتروندرلاند ومميز وهادي جداً وأكثر شيء بيعجبك أن النظافة والاهتمام الواضح بالمكان .

هذه اختياراتنا، ولا تنسى تشاركنا أفضل مكان تحب تمشي فيه 💚

محتار وين تمشي بالرياض؟

Exit mobile version