ممارسة الرياضة إثبات حقيقي بأن العمر مجرد رقم

الرياضة والمحافظة على ممارستها من الأمور المهمة اللي لازم يلتزم فيها كل شخص سوا كان كبير بالعمر أو صغير.

كثير من الناس يقول أنا خلاص وصلت لعمر كبير والرياضة مو لي للجيل الجديد، وهذا أكبر خطأ لأن العمر مجرد رقم لا أكثر ولا أقل، وبالالتزام بممارسة الرياضة راح تحس بالفرق وبتشوف نفسك أصغر من عمرك.

كبار السن في جدة يثبتون نظرية العمر مجرد رقم

انتشر فيديو لعدد من كبار السن وهم يمارسون الرياضة رفقة أعمار مختلفة من صغار وكبار بكل نشاط وحيوية.

موصى به

رنا مطر تصدم المتابعين وتاكل قدور مقلوبة بوقت قياسي!المها العربي يعود للجزيرة العربيةعادات سعودية تميزنا عن باقي العالم

حديث أعضاء فريق مشاة وهايكنج في جدة

عضو فريق مشاة وهايكنج جدة أحمد الغامدي صاحب 67 سنة، تكلم أنه قبل سنة و 6 شهور شارك مع مشاة جدة واستفاد كثير صحيًا، وتعدل عنده السكر والضغط.

تابع الغامدي كلامه بتوجيه نصيحة لكبار السن وللجميع بشكل عام، بممارسة المشي لأنه راح يفيدهم يعطيهم الصحة.

شاهد.. ستينيون يمارسون الرياضة في حدائق #جدة.. وشعارهم: العمر مجرد رقم
عبر:@hamedsa0 pic.twitter.com/0nlbAi6JiN

— العربية السعودية (@AlArabiya_KSA) August 2, 2024

ختم الغامدي كلامه، بأن أكله طبيعي بس أبتعد عن المشروبات الغازية والسكريات بكل أنواعها، والحمدالله حصل فرق كبير بكل الجوانب وتعدل عنده كل شيء والنوم صار مستقر.

الدكتور سامي خبيري عضو بفريق مشاة وهايكنج جدة بالسبعين من عمره وجه رسالة للمجتمع وأنه يجب على كل فرد الاهتمام بالرياضة بالتحديد رياضة المشي، لأن صحتك رياضتك ورياضتك صحتك.

تابع خبيري كلامه، بأنه ولله الحمد المماشي متوفرة بجميع أنحاء المملكة، وفي كل مكان تحصل لك ممشى تقدر تمارس الرياضة فيها

اختتم حديثه بأنه في السبعينات من عمره، وأن العمر مجرد رقم ولا يهتم أحد بالعمر، لأن المشي ومزاولة الرياضة لو تراخيت فيها بتكون أنت الخسران وما فيه غيرك راح يخسر.

فعلًا أثبتوا مقولة بأن العمر مجرد رقم، وأن الرياضة لا عمر محدد لها والجميع كبار وصغار يستطيعون مزاولة الرياضة والانضباط فيها، وهذا بيعود عليهم بنفع كبير

ممارسة الرياضة إثبات حقيقي بأن العمر مجرد رقم