1- اتصل على أقاربك وأصدقائك

هالفترة الناس كلها قاعدة في البيت لذلك هذي فرصة ممتازة لإحياء العلاقات والتواصل والتقارب عبر الاتصال المرئي. وبالفعل لاحظنا إن الكثير شغالين فيديو كول طول الوقت ويكلمون أشخاص ما كانوا يتواصلون معاهم بهالشكل سابقًا. منع التجول خلانا نبي نتواصل مع الناس أكثر، الشعور بإنك ما تقدر تطلع ومنت مخير شعور مختلف تماماً عن لما تكون قاعد في البيت وما تتواصل مع أحد باختيارك، ففي ناس مثلاً مسافرة طول السنة بره البلد، ولكن أول ما تعلق السفر صارت تحس بأنها مشتاقه ومقيده وتبي ترجع.

2- ركب لعبة بزل 1000 قطعة

هذي فيها تحدي مستمر لأنك تبي تخلصها وتشوف النتيجة، وبنفس الوقت الحلو فيها إنك بتعمّر وأنت تركبها ? وحنا محتاجين شيء نملي فيه الوقت الفايض اللي صار عندنا. على فكرة البزل مفيدة للعقل بحيث أظهرت الدراسات أنها تساهم في تعزيز نشاط الدماغ لدى البالغين، اضافة إلى زيادة الإبداع والتركيز، وتحسين الذاكرة. والجميل فيها برضو إنك تقدر تبروزها وتعلقها في بيتك، شيء للذكرى تركيب يدك علشان كذا حاول تشتري صورة جميلة ممكن تتبروز وطبعاً اشتريها اونلاين، لا تطلع من بيتك إلا للضرورة القصوى. ملاحظة “البورد قيمز” بكافة أنواعها حلوة بهالأوقات، ولوفن السعودية تقترح عليكم المونوبولي: تبسط وتلخص مبادئ الإقتصاد والتجارة، وممكن تقعد تلعبها 4 ساعات قدام.

موصى به

رنا مطر تصدم المتابعين وتاكل قدور مقلوبة بوقت قياسي!تدخين عدد أقل من السجائر غير كاف للحد من الأضرار التي يتسبب بها التدخينالمها العربي يعود للجزيرة العربية

3- اقرأ كتاب

بلاه وش عندك شيء ثاني تسويه؟ مسلسل.. فيلم.. مسلسل.. فيلم.. مسلسل.. فيلم وبعدين؟ استغل هالفترة بإكتساب عادات جديدة مثل القراءة ولوفن السعودية تقترح عليك كتاب أربعون للأستاذ أحمد الشقيري لأنه كتبه في فترة نوعًا ما تشبه الفترة اللي حنا فيها، كان بعزلة بعيد عن كل شيء وبجزيرة لمدة 40 يوم. أوه صح، ممكن نكتب هالفترة مو بس نقرأ، هالفترة فعلاً فرصة نبدأ نسوي أشياء ما قد سويناها أو كنا نبي نسويها من زمان بس ما تفرغنا لها. كذلك ممكن تتعلم شيء جديد من مواقع تقدم برامج تعليمية اونلاين مثل: Masterclass، Skillshare، هارفرد، مسك.

4- خطط لحياتك واتخذ قرارات مصيرية

هذي فرصة رائعة للتفكير، ومراجعة حياتنا، ووضع أهدافنا ومشاريعنا وقيمنا ومبادئنا بشكل واضح أمامنا. وين نبي نكون بعد 10 سنوات؟ ايش رسالتنا في الحياة؟ هالفترة أفضل فترة لكل هالشغلات. في هدوء بعيد عن كل شيء، ذهنك صافي، جلسة محترمة مع نفسك.. رتب  أمورك وأولوياتك، حط رسالتك، قيمك، مشاريعك، أهدافك، مهامك، الرؤية حقتك على ورق خلها مكتوبة قدامك. فيه مواقع كثير بتفيدك في الشيء ذا. كذلك هذي فرصة للتفكُر بشكل عام بالنعم اللي حولنا.

وحده من الأشياء اللي بتفيدك هي معرفة تفاصيل وجوانب أكبر وأكثر عن شخصيتك، جرب تجاوب على وحده من اختبارات الشخصية، لوفن السعودية تقترح عليك تجرب موقع 16Personalities. ممكن تسوي هالإختبار مع عائلتك، كل واحد يعرف جوانب شخصية الثاني أكثر، حتنبهر قد ايش هي مفيدة، ممكن تكون جلسة مصارحة.

وفيه اختبار لطيف بعد اسمه لغات الحب، يبين لك بالترتيب، ايش الشغلات اللي تعبر عن الحب بالنسبة لك سواء مع صديق أو حبيب، جرب تسويها والسالفة كلها اونلاين. لغات الحب خمسة: المواقف، الكلام، تخصيص وقت نظيف للطرف الآخر، الأشياء الحسية، وأخيراً الهدايا ?

5- دور على أشياء ضاعت منك في البيت ?

فيه شغلات اختفت من عندنا وما ندري وين حطيناها، يبيلنا نرجع ندورها. فرصة نشوف هالدواليب اللي بالبيت معبينها بإيش، نرجع نشوف الأوراق والأدراج ايش محطوط فيها، ملابسنا ايش نحتاج وايش ما نحتاج منها ونتخلص أو نتبرع فيها في حال كانت بجودة ممتازة. نرجع نشوف الأغراض اللي شريناها ولا استخدمناها، أو الهداية اللي وصلتنا ولا شغلناها ولا استفدنا منها لأن ما نعرف كيف ويبيلها تركيب. برضو ممكن تهتم وترتب ديكور البيت، وإذا بتجيب قطعة أثاث جديدة، اطلبها اونلاين. كذلك ممكن تصلح الأشياء الخربانة، أو تسوي حديقة وتزرع في البيت.

6- تابع وثائقيات

فيه كثير مسلسلات حلوة وتعطيك جوانب جديدة ما تعرفها، وتوازي كتب وأكثر، يعني مثلاً مسلسل زي “سوتس” أو “ذا غود وايف”: راح يخليك تفهم ايش يعني قانون ومحاماة، مسلسل زي “مايندهنتر” راح يخليك تفهم علم البحث الجنائى والدوافع النفسية خلف القتل. والناس تتابع هالمسلسلات لأنها مسلية أصلاً ? ولكن في المقابل هناك صورة نمطية عن الأفلام الوثائقية وتتمثل في كونها مملة، ولكن عطيها فرصة صدقني ممكن تشدك وتشوف نفسك تنتقل من فيلم لآخر، لأن الأفلام الوثائقية دائماً ما تنقل الواقع وتجيب عن الأسئلة المجهولة، وتبين شغلات ما نعرفها وراح تتفاجئ سواء في التاريخ، الصناعة، … أو حتى عالم الحيوانات: جرب تشوف ناشونال جيوغرافيك، حتنصدم من كمية المعلومات الرهيبة.

7- انضم لمبادرة “بيتك ناديك”

رئيس الاتحاد السعودي للرياضة الأمير خالد بن الوليد بن طلال:

اختصر في رسالته مبادرة #بيتك_ناديك في 3 نقاط وهي

1. البقاء بالمنزل حفاظًا على سلامة الجميع، وممارسة الرياضة للحفاظ على النشاط والحيوية

2. التكاتف معاً وتعزيز نمط حياة صحي ونشط في مجتمعنا السعودي

3. التواصل مع بعضنا البعض لنشر الإيجابية والتفاؤل والنشاط

مين قال الرياضة مقصورة على النادي؟ بالعكس تعتبر هالفترة فرصة للبدء لأنه عندنا متسع من الوقت. جرب وافتح حسابات الاتحاد السعودي للرياضة في منصات التواصل، حتعرف الكثير عن الرياضة المنزلية واللي لا تقل عن أي نوع ثاني من الرياضات #بتمرن_بالبيت.

https://www.instagram.com/p/B91holBlUdU/?utm_source=ig_web_copy_link

8- تعلم على آلة موسيقية

كم واحد فينا شرا عود ولا أي آلة وخلاها تحفة فنية في البيت؟ اتوقع جا الوقت إن هالتحفة تشتغل شويه. كلنا نعرف إن تعلم الآلات الموسيقية محتاج طولت بال، والآن طولت البال فايضه يا جماعة خلنستفيد من الموضوع.