الرحالة أسامة الخليوي سافر وتجول بين مدن السعودية لمدة 44 يوم، تتوقعون كم صرف؟

تخيلوا أنه أصلًا ما أخذ معاه إلا 500 ريال، وهنا كان التحدي أنه هالمبلغ كم يوم حيكفيه. خلا سيارته بالرياض وانطلق إلى أول وجهة واللي هي عنيزة، كيف طيب؟ بكل بساطة ركب مع شخص ما يعرفه. وهذي كانت طريقته، كل ما يروح منطقة يوقف على الخط ويأشر واللي يوقف له يركب معاه وينطلق للوجهة اللي بعدها. طيب وين يسكن؟ برضو مع ناس ما يعرفهم، الناس كانت متفاعلة معاه في الانتستغرام.

وزي ما انتو عارفين الفترة هذي السفر الخارجي غير متاح، فالمقابل شفنا السياحة الداخلية مكتسحه وبقوة ?

موصى به

أفضل الأماكن لقضاء ويكند مليان بالمتعة في الرياضقصة سعودي نجا من عبارة السلامحائل مدينة تسابق المستقبل

أسامة الخليوي يسافر داخل المملكة، من منطقة إلى منطقة، لمدة 44 يوم بـ500 ريال فقط!

تجربة رهيبة، تشوف فيها البلد من منظور ثاني تمامًا. تسافر بالسيارة مع شخص ما تعرفه، وتسكن مع ناس ما تعرفهم ويستقبلونك أفضل استقبال، تشوف التنوع الرائع الموجود بين مدن المملكة بين بحر وبر وجبال وغيره في رحلة واحدة.

https://www.instagram.com/p/B9C-4CzBQEF/

خط مسار الرحلة ?: الرياض، القصيم، حائل، المدينة، ينبع، أملج.

https://www.instagram.com/p/B6sCoO5Bw_g/

الرحالة أسامة الخليوي: “أول 9 أيام في القصيم ما صرفت إلا 4 ريال، هنا أنا استوعبت إن الـ500 ذي حتطول”.

"ربوع بلادي علينا بتنادي"، وأسامة يذهب لها في تجربة فريدة وملهمة. #التواصل_الحكومي pic.twitter.com/lCpq4VnrNr

— التواصل الحكومي (@CGCSaudi) June 29, 2020

يا حظنا بهالبلد، وبهالجمال اللي أغلبنا ما شافه على أرض الواقع وما اكتشفه لسى، والبعض ما يعرفون هالأماكن أصلًا ?

الجدير بالذكر اننا شفنا السعودية بعيون مختلفة بعد قدوم الأجانب من كل أنحاء العالم يزورون المملكة بعد قرار فتح المجال للحصول على تأشيرة سياحة. صرنا نتابع مقاطع ونشوف شغلات ما كنا ندري عنها، جو واكتشفو مناطق ونقلوها بعدساتهم وكاميراتهم للعالم. ونقلوها لنا قبل كل شيء بزاوية أخرى. تركيز المملكة على السياحة في الفترة الأخيرة بثت روح جميلة وخلتنا وخلت العالم يشوفون وطنا العظيم بشكل مميز مختلف.

https://www.instagram.com/p/B8gqxD1BtVc/?utm_source=ig_web_copy_link

اقرأ: تنفّس روح السعودية.. تعرّف على الوجهات السياحية لموسم صيف السعودية 2020