الأفضل من

عيش تجربة التزلج في افضل 10 أماكن في السعودية!

loovinsaudi
بواسطة

قائمة اليوم راح تكون عن عشرة أماكن للتزلج في السعودية، ولأننا شعب يحب التغيير وكسر الروتين وبنفس الوقت فيه التفاته كبيرة مؤخرا للرياضة، بما انه يعتبر التزلج نوع من أنواع الرياضات المسلية الي يحبها الكبير قبل الصغير، بالإضافة الى انها تعيشك جو مختلف، فحرصنا نجمع لكم افضل عشرة صالات تزلج في السعودية، يلا خلونا نستعرض لكم القائمة بدءً من العاصمة الرياض:

1.ساحة ونتروندرلاند للتزلج بالرياض:

تعتبر هالساحة في موسم الرياض أكبر صالة تزلج في الشرق الأوسط، بالإضافة الى انها مكشوفة وهذا شيء مستحيل في اغلب صالات التزلج بالسعودية، ميزتها انها بداخل الونتروندرلاند يعني تقدرون  تتزلجون او تلعبون بباقي الألعاب الثانية.

2.مدينة الثلج بالرياض:

تعتبر أقدم صالة تزلج في الرياض، هالصالة تابعة لمجموعة عبدالله العثيم يعني راح تلاقونها داخل المول، مخصصين لها منطقة واجواء معينه وفيه بجنبها مقهى يقدرون الأهل يجلسون فيه ويتفرجون على عيالهم في الصالة.

3.ساحة تزلج الفتيات (فانتا بارك) بالرياض:

ميزة هذي الساحة انها مغلقة نسائية عشان يقدرون البنات يتمتعون بخصوصية عالية وبنفس الوقت يمارسون رياضة التزلج، الحلو بعد ان حتى مدربات التزلج سعوديات يعني الجو راح يكون وناسسسسسسة.

4.ساحة التزلج بريدة:

عبارة عن ساحة كبيرة يقدرون يتزلجون فيها الأطفال، والمميز فيها انها بداخل مول يعني تقدر الام تخلي أولادها يتزلجون وتروح تتسوق، وراح يكون فيه عندهم منظمين يعني ما يحتاج تشيلين همهم.

5.صالة تزلج آيس لاند بجدة:

الآيس لاند مركز ترفيهي متكامل فيه بداخله صالة تزلج للأطفال حجمها متوسط موجودة بوسط المركز، تقدرون تزورون المركز اما للتزلج او لغيره من الألعاب الترفيهية وفي الفترة الحالية مسوين عروض بمناسبة عودة الحياة لطبيعتها بعد فايروس كورونا.

6.صالة تزلج حديقة الأمواج بتبوك:

الي يميز هذي الصالة للتزلج اولاً انها بداخل حديقة وهذا يعتبر شيء نادر وحلو يعني تقدرون تتزلجون وبعدها تشربون قهوتكم بالحديقة، حديقة الأمواج نسائية بالكامل يعني يقدرون البنات يعيشون تجربة تزلج جميلة بخصوصية عالية.

7.صالة تزلج حديقة الشلال بجدة:

تعتبر صالة التزلج هذي أكبر صالات التزلج في مدينة جدة، خاصة وانها بداخل منتزه الشلال الترفيهي الشهير والي يميزه انه بجنب كورنيش جدة، وهذي الصالة مكشوفة على السماء وهذا الشيء نادر بصالات التزلج ومره مرغوب.

8.صالة الشمع للتزلج بالدمام:

فكرة هذي الصالة انهم استبدلوا الثلج بالشمع بحيث يعطي ايحاء بأنه ثلج وهو بالأساس شمع بس المتعة وحدة، هدفهم من هذي الفكرة عشان يسهل نقلها من مكان لآخر بعكس الصالات الثلجية الثابتة، هالصالة كانت مشاركة ايضاً بـ”صيف الشرقية” في واجهة الدمام البحرية.

9.صالة التزلج بالظهران:

صالة تزلج بداخل الظهران مول في الشرقية، صالة مكشوفة على المحلات، يقدرون اطفالكم يستمتعون في التزلج وانتم تستمتعون بالتسوق او الأكل.

10.صالة تزلج برج العبيكان بالطائف:

صالة تزلج بداخل مجمع العبيكان الشهير في الطائف، تقدرون تتسوقون واطفالكم يتزلجون، الحلو في صالات التزلج بداخل السوق انها نوع من أنواع الرياضات المحبوبة وكسر الروتين في الأسواق التجارية.

Post Views: 98
التسوق
إقرأ المزيد
المزيد مثل هذا