أفضل أماكن الكشتات في منطقة الرياض

كلنا نبحث عن أماكن للكشتة خاصة مع بداية فصل الشتاء بالرياض، وكثير من الناس يحتاجون يبعدون بعض الأحيان عن صخب المدينة وياخذون فترة استرخاء للراحة بأوقات الفراغ أو عطلة نهاية الأسبوع، وعشان كذا نبغى نشاركم في هذه القائمة عن أفضل أماكن الكشتات بالرياض😍.

1-روضة الخرارة:

اذا ودك بهواء نقي وعليل روضة الخرارة راح تعجبك وتناسبك، فيها بحيرة بنطاق واسع وتقدر تكشت فيها وتتابع وتتأمل النجوم بوضوح آخر الليل، تقع الروضة قريب من محافظة المزاحمية غرب مدينة الرياض.

موصى به

قوة المرأة تبرز في موسم الرياض بأصالة وأحلام وحبهم للسعوديات!أفضل الأماكن لقضاء ويكند مليان بالمتعة في الرياضألذ كباب في الرياض

2-روضة التنهات:

تخيل بنهاية الأسبوع وبعد تعب الدوام تطلع لروضة التنهات وتكشت بمكان مليان بالغطاء النباتي الأخضر والكثير من الزهور، طبعا الروضة تبعد عن الرياض 185 كيلو تحديداً بمحافظة رماح، أفضل وقت للزيارة في فصل الربيع🌳.

3-شعيب الشوكي:

شعيب شمال الرياض قريب من الدهناء هادي ونظيف وما يوصل له أي ازعاج، وأهم شيء تاخذون الحذر لأن الطريق له مره صعب ويحتاج سيارة تتحمل.

4-روضة المحلية:

روضة جميلة وأغبلها رمل طيني وفيها بعض أنواع الزهور تبعد عن وسط الرياض تقريبا 40 كيلو، الجميل فيها تقدر تشوف جبال طويق وانت كاشت، وأهم شيء وقت الأمطار انتبه لأن الأرض تعتبر طينية تعتبر طينية والسيارات راح تتضرر وتنزلق.

#روضة_المحلية جنوب شرق المزاحمية على طريق نساح ١٤٤٤/٦/١٦ pic.twitter.com/uat15upPHF

— خالد المبدِّل (@kssm1388) January 9, 2023

5-روضة الخفس:

 الروضة مدخلها رملي وتعتبر ليست كبيرة بس كل أرضها خضراء ومافيها أشجار للظل عشان كذا حاول تجيب معك شيء تستظل فيه، وإذا حاب تقضي ليلة للنوم فيه مخيمات للإيجار.

#الملك_فهد_بن_عبدالعزيز وبرفقته الملك عبدالله بن عبدالعزيز والأمير سلطان بن عبدالعزيز (رحمهم الله) و #الملك_سلمان_بن_عبدالعزيز (حفظه الله) في روضة الخفس سنة 1976م #الفهد_روح_القيادة pic.twitter.com/jiozUqn8j7

— الملك فهد بن عبدالعزيز (@kfahadalsaud) January 8, 2023

لاتنسون تشاركونا صور لكشكتكم على هاشتاقنا #LovinSaudi

أفضل أماكن الكشتات في منطقة الرياض