التلوث السمعي في الرياض

التلوث أنواع يمكن تعرف التلوث البيئي أو البصري بس قد سمعت عن السمعي؟ لا تشيل هم إذا أنت من سكان الرياض أو أي مدينة كبيرة بتكون عايش وسط تلوث سمعي من أول ما تصحى إلى نهاية يومك بس صدق وش هو التلوث السمعي.

التلوث السمعي

طيب أول شيء الموضوع مو طبي أو شيء يتعلق بنظافة الأذن لا أبدًا نتكلم عن الازعاج الموجود في المدن الكبيرة مثل الرياض وهذا شيء طبيعي ما يحتاج تخاف أو تتذمر بسبب التلوث السمعي في الرياض

ليه الرياض مزعجة

أول شي لازم نوضح نقطة وهي حلاوة الرياض بكل حالاتها، طيب بعد ما أتفقنا على هذه النقطة ندخل في موضوع الازعاج ووش المقصود فيه بالضبط، صراحة ما نقدر نحط اصبعنا على سبب واحد هي مجموعة أسباب منها صوت أعمال البناء وبواري السيارات وحتى أصوات التفحيط وغيرها من الأصوات اللي تكثر في المدن الكبيرة وتخلي الحياة فيها بالنسبة للزائرين من القرى الصغيرة صعبة ومزعجة عكس حياتهم الهادئة.

هل الازعاج شيء سيئ

الجواب ممكن يكون ايه أو لا حسب نظرتك للموضوع إذا يهمك تطور الرياض وجودة الحياة فيها ككل لازم تصبر على الازعاج شوي من بغى الدح ماقال أح زي ما يقول المثل المعروف ولكن في حال ما تهتم كثير بتطور الرياض وناوي تطلع منها بعد فترة قدم قرارك وأنقل للأرياف يمكن ما تناسبك حياة المدن السريعة والمزعجة “في الوقت الحالي”.

في النهاية الموضوع راجع لك وقد ايش أنت مستعد تضحي، ونتمنى لكل سكان المدن يوم مزعج لمستقبل مليان تطور.