أم تطلب من مقهى تكريم بنتها وصاحب المكان يفاجئهم بنفسه!

أم تطلب من مقهى تكريم بنتها وصاحب المكان يفاجئهم بنفسه!

من المناظر اللي صرنا نشوفها كثير وصار الأغلب يقلد الثاني فيها هي إحتفالات العوائل أو الأصحاب لبعضهم بمناسبات كبيره أو الاحتفالات الصغيرة لأنها تزيد من التآلف والمحبه بين بعضهم وكل شخص يقدّر الثاني بمناسباتهم الحلوه ويشاركه فيها.

أمس انتشر مقطع لاحتفال بسيط من عائله لبنتهم، لكن فكرته كانت مره مختلفة! الأم حبت تفاجئ بنتها جود وتقدّم لها هدية لأنها كانت ولازالت بارّه بوالدتها، وطلبت من الموظفين إنهم يفاجئونها بالهدية.

اللي صار إن الموقف صدف فيه تواجد صاحب المقهى وقرر بنفسه يقدّم الهدية لجود ويشكرها قدام الناس على الفعل الطيب اللي هي تسويه مع أمها 💚👇🏻

@coffee.assaf تستاهل لـ برها بوالدتها♥️. #قهوة_عساف #حايل #ابوعساف_الشمري ♬ الصوت الأصلي – coffee.assaf

ردت فعل الحضور وتفاعلهم باللحظة اللي دخل فيها صاحب المقهى كانت جميلة وفرحتهم وإن الكل قام يحضن جود💚

تتفاعل الناس تحت المقطع وتعليقاتهم كان الكل يحيّ جود 👇🏻

ما شاء الله تبارك الله، الله يحفظ جود ووالدتها من كل شر ويجزى صاحب المقهى خير على كلماته ومشاركته اللي أسعد فيها العائلة💚