انتشار مظاهر التكلف بهدايا التخرج!

الفتره هذه شفنا مقاطع كثير لعوائل تفاجئ أطفالها بهدايا، بمناسبات كثيرة وأكثرها التخرج واللي خلّا معلمات المدارس يخرجون عن صمتهم ويقولون ( احتفلوا في البيت، ولا تكسروا خواطر الأطفال )!

كلام هذه المعلمة تداوله كثير على السوشيال ميديا ومنهم المعارض ومنهم المؤيد لكلامها، حتى إن بعضهم قالوا مفروض يكون قرار صارم من الوزارة 🤷🏻‍♀️

معلمة توجه رسالة لأمهات الطالبات:

موصى به

إبداع السعوديين في مسابقة تصميم أكواب القهوةالميم الأكثر شهرة لمحبين الشاهي عرفنا السر وراه!بندريتا يفجرها وينهي التساؤلات المتداوله

“احتفلوا في البيت لا تجون عند المدرسة، فيه طالبات أيتام، والبعض دخلهم محدود، لا تكسروا خواطرهم”. pic.twitter.com/tOQthFLq9A

— كبنتر (@vuvrr) June 17, 2023

من رأيي الشخصي أفهم وجهة نظر هذه المعلمة، كون إن المجتمع من طبقات متفاوته فـ مو الكل يقدر يوّفر لعياله هدايا فوق المصروف اللي قاعد يصرفه!

تعليقات الناس كانت كثيرة وبين السلبي والايجابي!

الموضوع كسرة ظهر
هي من جانب ايتام او من جانب المادي
او حتى م بيحتفلون الاهل ب ولدهم
كيف وضعه وهو يشوف الباقي

— اورّسايد (@1li_al) June 17, 2023

وهذه أحد التعليقات اللي كانت غريبة

يعني يمنعو فرحة الكل عشان افراد؟
اليتيم تتكفل فيه المدرسة

— تفاحة ادم (@fs_2_1) June 17, 2023

الأغلب كان متفق ان الهدايا والمظاهر هذه ما كان لها داعي لأن مب الكل يقدر على التكاليف ، مثل هذه الأم اضطرت إنها تبيع ذهبها عشان ايش؟ هدية لولدها 🥺

pic.twitter.com/GM5NRwSux9

— GorVideo (@gorvideo) June 15, 2023

المقطع يوضح لنا ايثار الأم عشان أولادها، لكن لو لا تكاليف المظاهر اللي نشوفها بالسوشيال ميديا ما كان صار كذا 🥹

تعليقات الناس على مقطع الأم 👇🏻

يارب ترزقها أضعاف ماباعته
، ايثارها هنا جميل ، ولكن لو انها لم تنشُر لكان أفضل ..

— أ. هيفاء بنت محمد آل شمّاء، (@qht_haifa) June 16, 2023

الام غير 💔 الله يعوضها ان شاء الله بالاحسن

— MB• (@twiggs) June 15, 2023

ضروري الكل يستوعب ويحس بوضع اخوانه المسلمين، من العوائل اللي ماديتهم متوسطة و الأطفال اللي ما عندهم عائله من الأساس، عشان ربي يبارك له ويوفقه 🙏🏻