شخص يكسر بخاطر طفل وينشر المقطع

الفتره الماضية انتشر مقطع طفل أول مره يركب الطائرة وكان واضح عليه المشاعر المختلطة بين السعادة والخوف بنفس الوقت! وردة فعله كانت تضحك مره.

المقطع وصل كل مكان والجميع تفاعل معاه واتفقوا إن فيه قبول عجيب هالولد! 👇🏻

@aa1277a #سكاكا_الجوف ♬ الصوت الأصلي – يوميات الخال مع سيف

بعدها بدأ خال الولد بأنه يصور يومياته معه وسمى الحساب ” يوميات الخال مع سيف ” وبما إن سيف إنسان جدًا عفوي وحياتهم بسيطة وفيه براءة وقبول عجيب، الجميع حبّه وصاروا يتابعونه أول بأول ولأن الأغلب يذكرهم بحياتهم وهم أطفال بعمره.

موصى به

امهات يتصدرون الترند السعودي بعد تعبيرهم باليوم الوطنيمواطن بحائل يستضيف سياح من فرنساالشعب الصيني يحتفل معنا باليوم الوطني

في يوم من الأيام ولعل الخال تحمّس شوي مع المقاطع وصوّر سيف بموقف محرج جدًا بعد ما سيف شاف خاله بسيارته بأخر الشارع أنطلق عشان يسلم عليه ويروح معه، لكن اللي ما توقعه سيف إن خاله كان مجهز التصوير ويردد جملة “حنا ما نبيك ليش تجي ؟”.

المقطع يحز بخاطرك وانت مالك دخل للأسف 👇🏻

ربو عيالكم الا كسر الخواطر والله العظيم بكيت كسر خاطري مايستاهلون محبته والله pic.twitter.com/UN3loXH29X

— شخص (@fofa__27) August 5, 2024

على رغم إن سيف كان ماسك نفسه وردة فعله طوال المقطع إلا إن متابعينه لاحظوا كسرة الخاطر اللي حسّ فيها وصاروا يعاتبون الخال بالتعليقات على هذا التصرف.

ياشين اللي كذا وحتى لو مزح مزحهم سخيف مثلهم كسروا خاطره وبالاخير يقولون مزح

— 𝐇𝐒|𝟏𝟗𝟗𝟖 (@llhs_6) August 5, 2024

بعد هجوم الناس وانتقاده بشكل كبير صار يقفل التعليقات عن بعض المقاطع، وبعدها نزل مقطع جديد لسيف وهو عازمه على رز ودجاج ويقول إن هذه رضاوه لك عقب اللي سويناه فيك ورد عليه سيف مسامحكم بس لا عاد تعودونها!

طبعًا المقطع مقفل التعليقات عليه 👇🏻

@aa1277a #سكاكا_الجوف #تابعو ♬ الصوت الأصلي – “الشــــايب”

سيف بالمقطع الأول كان يقوله خلنا نروح وناخذ من دانكن .. لكن الخال رفض إنه يوديه، وبعدها تفاعلوا دانكن معاه وعزموه على قهوة ودونات الله يجبر بخاطرهم 🙏🏻

@aa1277a #سكاكا_الجوف #🥹 ♬ ريمكس استكنان تركي _ 4r_mi4 – لحــن – 4VRFM

كسر الخواطر شيء مؤذي للكبار وممكن أي شخص يعاني من هذا الموقف طول عمره، فما بالك بطفل في مرحلة نمو يمر بموقف مثل كذا ..

ضروري الكل يكون عنده وعيّ بأن مو كل شي يتصوّر عشان المشاهدات ومو كل حاجه نسويها عشان يجينا تفاعل.. الله يجبر بخاطر سيف وإن شاء الله نشوفه في خدمة الوطن مل ما قال في المقطع 👇🏻

@aa1277a #سكاكا_الجوف #شكراً ♬ الصوت الأصلي – يوميات الخال مع سيف