فضفضة نايف 2: الدوري السعودي حديث العالم

بعد ما تكلمت عن البطولة العربية وقلت اللي بخاطري فيها، وبالمناسبة أبارك لجماهير النصر تحقيق هذا الإنجاز، اليوم راح أفضفض معكم شوي بمساحتي الخاصة فضفضة نايف عن الدوري السعودي والنقلة الكبيرة اللي صايرة له.

قبل ما أبدا في الكلام شكرًا للشخص اللي أضاف تقنية التسلل هذه السنة لآنها راح تنهي جدل كبير كان موجود قبل بشكل شبه نهائي وهذا الشيء بنسبة لي مهم جدًا.

الدوري السعودي عالمي

صيف هذه السنة كان برعاية الأندية السعودية بشكل كامل وشفنا فيه صفقات كبيرة وعالمية وإضافة فنية للدوري السعودي، والتطور هذا بدأ من لحظة التعاقد مع الأسطورة رونالدو من ثم بنزيما وختامًا بأفضل لاعب برازيلي في الفترة الأخيرة نيمار اللي بشكل رسمي حسم الهلال التعاقد معه.

موصى به

السعودي محمد آل شيبان ينجح بالهبوط الصعب أثناء عاصفة لندنقصة سعودي نجا من عبارة السلامالمدة المتبقية لفصل الشتاء الحقيقي بالسعودية

يعني الحين صار فيه أسماء عالمية كبيرة، والأندية صارت أقوى بالتحديد أندية الصندوق يجي بعدهم الاتفاق بدرجة أقل، لكن هذا مو كل شيء عشان دورينا يكون فعلًا عالمي.

طيب الحين ممكن يجي ببالك تساؤل وتقول يا نايف جالس تمدح في الصفقات والقوة الأسماء بعدين تقول هذا مو كل شيء عشان دورينا يصير عالمي وش الناقص يعني؟

جوابي يا طويل العمر عن النواقص اللي لازم تنحل بأسرع وقت موضوع الملاعب والتذاكر الإلكترونية برقم الكرسي بالتحديد، هذا أمر راح يساعد كثير الجماهير بالحضور قبل ما تبدأ المباراة بدقايق مو ساعات عشان يحجز له كرسي مناسب.

ثاني حاجة روابط الأندية لازم تتطور عشان مدرجها يظهر بشكل حلو بالضبط نفس مدرج نادي الأهلي في مباراة افتتاح الدوري يعني خلاص ملينا نسمع شخص واحد يغني طول المباراة ويقرفنا بصوته، لازم نتطور ويكون التفاعل جماعي، نفس القوى الزرقاء في بدايتها كانت عظيمة جدًا لكن قل مستواهم في أخر فترة، أتمنى جميع أندية الدوري تبدأ من الجولة الجاي التشجيع بشكل احترافي وجماعي عشان يكون للمدرج شكل جميل.

 

View this post on Instagram

 

A post shared by لوڤن السعودية | Lovin Saudi (@lovinsaudi)

فضفضة نايف 2: الدوري

ثالثًا والمهم بنسبة لي جدًا القناة الناقلة ما نبي منكم أكثر من التغطية الكاملة للحدث يعني أبي أشوف المؤتمرالصحفي للمدرب بعد المباراة بحسابك أبي المقاطع اللي تنزلها في حسابك تكون بدقة واضحة، ما أبي أكون سلبي جدًا اتجاههم في تطورات بالنقل بالجولة الأولى وفيه تحسنات كثيرة لكن نبي نكون رقم واحد وتغطيتهم المميزة في حساباتهم بتخلي لقطات دورينا تنتشر بكل مكان وهذا اللي ودنا فيه.

أخيرًا رسالة أخ صغير لكل إعلامي رياضي، أدعم ناديك وهذا أبسط حق لك ودافع عنه بكل استماته لكن بدون إثارة جدل مصتنعه وآراء خارجة عن السياق.

هذه كانت فضفضتي في هذا المقال أتمنى أنها عجبتكم وما أستغني عن رأيكم وملاحظاتكم وتشاركوني أيها في هاشتاق #فضفضه_نايف 🤍