فيصل العيسى يصل تأثيره لأطفال الكويت
فيصل العيسى يصل تأثيره لأطفال الكويت
كلنا نشوف حب الأطفال والمراهقين للفنان الممثل فيصل العيسى بكل عائله لازم فئة كبيرة مره يحبون فيصل بشخصية “عامر” واصدقاءه الباقين بمسلسل شباب البومب، وفي فيلمه الأخير بالسينما كل الحضور كانوا أطفالنا وشفنا فرحتهم خصوصًا لحظة دخوله عليهم بصالة السينما
فاجأنا الجمهور بعد نهاية الفيلم ❤️ pic.twitter.com/GZ9TXtyEnZ
— فيصل العيسى (@faisalalesaa) April 12, 2024
أطفال الكويت تأثروا بـ”عامر”
محبين فيصل العيسى مو بس الأطفال السعوديين حتى الكويت وصلهم صدى إنتشار شخصية عامر وصاروا الأطفال والمراهقين هناك يحبونه، وهذا اللي شفناه بلحظة عرض فيلمه بالكويت وعدد الحضور الهائل للسينما عشانه
الجميل بالمقطع إن الحضور كلهم لابسين الثوب السعودي اللي يمثّل فيه شخصية عامر وبنفس طريقته 👇🏻
فيديو/ ناصر العتيبي: منذ 3 سنوات وأنا متابع لمسلسل «شباب البومب».
•إقبال واسع من الاطفال في الكويت على حضور الفلم، مع حرص عدد منهم على ارتداء لبس مشابه للممثل السعودي فيصل العيسى والمشهور بـ«عامر». pic.twitter.com/UzIBWiYPYi— المجلس (@Almajlliss) May 6, 2024
مو بس السعوديين والكويتيين متأثرين بشخصية عامر جميع الأطفال الخليجيين والوطن العربي يحبونه، وتعليقات كثير من الناس توّضح هذا الشيء وتأكده بأن فيصل العيسى شخصية محبوبة خصوصًا لدى الأطفال
#شباب_البومب واضح تأثيره القوي على الجيل الجديد .. للأمانة انا ما تابعته ولا شفته
لكن الأطفال متأثرين بشخصية عامر و يقلدونه هنا عندي بالبيت و شفت تأثيره بكل دول الخليج و العالم العربي
مسؤولية كبيرة على فيصل العيسى .. وشرف كبير لنا ان هذا العمل ناجح ومكتسح المنصات و دور السينما… pic.twitter.com/pBnmiFiHs5— ﮼فاطمة ❀ ™ (@Fo0of_9) May 7, 2024
جزء آخر من تعليقات وردود الناس على عدد الحضور بصالات سينما الكويت 👇🏻
فلم جدا جميل وديت عيالي له … يتابعون مسلسل شباب البومب من 5 سنين باليوتيوب ومناسب لاعمارهم .
اقله ما فيه اسفاف .. واحترام شخصياته لعائلاتهم خاصة الاب والام شي جميل
ربي يوفقهم في زمن اكثر المسلسلات يدخلون علينا عادات غريبة وامور لا تصلح للكبار فما بالك بالصغار .— خالد العنزي (@khaledalanze) May 6, 2024
الله يحفظهم بصراحة عامر محبوب عند الاطفال
— فنجال الشمال (@Dfdof80) May 6, 2024
