لاونج جديد بالرياض بإسم فرس الملك عبدالعزيز
لاونج جديد بالرياض بإسم فرس الملك عبدالعزيز
كثير أشياء تصير ترند بالسعودية، خصوصًا مدينة الرياض! أهلها يحبون التغيير بشكل كبير، وكل فترة يتصدّر الترند حاجة جديدة مثل المقاهي والمطاعم اللي انتشرت بشكل كبير. بالرغم من ذلك، قليل اللي استمر وكسب عملاء.
أكيد كثير مننا لاحظ بالفترة الاخيرة توجّه الناس للاونجات، وقليل اللي قدر يتميّز بطريقته عن الباقين!
تم افتتاح لاونج عبيّه بالرياض 🐎
أنا شخصيًا أول ما قريت اسم اللاونج حسيت انه رهيب 😍
يقولك المثل “الكتاب واضح من عنوانه” ولاونج عبيّه واضح فيه الرقيّ والفخامة من اسمه المميز
تصميم اللاونج مستوحى من الهوية السعودية، والتفاصيل الدقيقة اللي تحكي تراثنا، مثل الديكور اللي استلهمه المصمم من المنازل التاريخية المبنيّه من الطوب ✨
عرض هذا المنشور على Instagram
طاقم نسائي بالكامل في لاونج عبّيه!
من الأشياء اللي تميّز لاونج عبيّه ان فريق الخدمة طاقم نسائي متكامل ومدرب لخدمة الزوّار.
يُعتبر لاونج عبيّه من أجمل الخيارات اذا ودك تطلع مع مجموعة من أصدقائك أو أهلك وتستمتع بالذ الأطباق اللي يقدّمونها. المنيو متنوع عندهم، مثل البافلو بوراتا وبرجر اللحم البقري المشوي بالجبن، وكثير من الأطباق الرئيسية اللذيذة.
اللي يحبون القهوة بمكان خارجي، لاونج عبيّه عنده قائمة بألذ الحلويات والقهوه اللي تروّقك ☕️
اللاونج موجود بداخل لوبي فندق فورسيزونز الرياض، واللي يُعتبر أحد أفضل الفنادق بالعالم.
يتميّز فندق فورسيزونز الرياض عن غيره من ناحية الراحة والخدمات المقدمّة ومستوى الفخامة العالية والرقيّ اللي يقدمه لضيوفه ويمنحهم تجربة رهيبة لا تُنسى ✨
عرض هذا المنشور على Instagram
ايش قصة عبيّه، فرس الملك عبدالعزيز -رحمه الله-؟ 🐎
عبيّه: فرس الملك عبدالعزيز بن آل سعود رحمه الله، اللي كانت معاه بكامل معاركه، واللي فتح بها نجد كامله.
كتب عنها الشاعر سمو الأمير فيصل بن خالد رحمه الله، وتعتبر من رموز المملكة حفظها الله 🇸🇦 تم تسميّتها عبيّه دلالة على العز والفخر والقوه والكبر اللي كانت تتصف فيها هذه الفرس بالذات.
متحمسين كثير ليوم الافتتاح الرسمي للاونج عبيّه وعشان تعرف تفاصيل أكثر عن المكان ادخل على حساب فندق فورسيزونز الرياض من هنا ✨💚
لاونج جديد بالرياض بإسم فرس الملك عبدالعزيز
