أحلى أماكن كشتات مناسبة لأجواء الرياض الممطرة

الحمدلله اللي أنعم علينا الاجواء الممطرة واللي فتحت نفسنا حتى لزحمة الرياض اللي ما كنّا قادرين نتحملها، وبما إن الأجواء حلوه كذا لا تضيّعها بأنك تروح مجمعات ومقاهي احنا بننصحك تحلل الجو بأنك تطلع البر وإذا ما كنت تحب البر القائمة تحت مضبطينك بأماكن تعجبك حتى في وسط الرياض!

• بحيرات الحائر

بأول منطقة بالقائمة بنختار لك مكان سهل إن الكل يروح له وممتع سواءً كنت مع أهلك أو أصحابك وحتى لو كنت لحالك، يميّز هذا المكان المناظر الخضراء الجميلة والبحيرات اللي تجري بشكل مستمر على طول الحديقة، والخدمات موجودة على كافة المنطقة يعني ما تحتاج تتعب نفسك وتخاف إنك تنسى شيء، بس أهم حاجه خذ معك لبس يدفيك لأن البحيرات والجو البارد بيخليك ثلجة ☃️

بحيرات الحائر من الأماكن الجميلة جنوب الرياض 🌊
#lovinsaudi pic.twitter.com/nzzMyaS07Y

موصى به

سباح سعودي من متلازمة داون يحقق إنجاز تاريخياكتشاف مستعمرات تكاثر لنسور غريفون الأوراسية بالسعوديةباحث سعودي يحقق المركز الأول ببريطانيا

— لوڤن السعودية (@LovinSaudi) January 24, 2023

• العيينة

هذه المنطقة قريبه مره من الرياض وتنفع للي ودهم يروحون البر بهالاجواء الخيالية بس ما ودهم يبعدون، أماكن الكشتات بهذه المنطقة موجوده بأخر العيينة لما تطلع منها بشوي، وقبل تطلع من المنطقة بتمر بطريقك مزارع تفتح النفس وأهلها قاطفين الفواكة ومجهزينها للناس اللي يمرون 🍇.

• مطلّ المالية

هذا المكان أهل الرياض يعرفونه زين ويتميّز بأن كل اللي يروحون هناك ناس هاديين وجايين عشان يستمتعون بإطلاله جميلة قدام أبراج مركز الملك عبدالله المالي “كافد”

كانوا يسمونه المكان السري لأن مو الكل يعرف وينه! بس الحين الاسم المتداول أكثر هو مطلّ المالية.

• وادي حنيفة

من الأحلى الأماكن اللي بننصحك تروح لها في كل وقت، سواءً صبح ومساء حتى بفصل الصيف! بعيد مره عن إزعاج وزحمة السيارات بالرياض والهدوء اللي فيه بيخليك ترجع له مره ثانيه.

• وادي نمار

أهل الرياض يحبون كشتات الاوديه لأنها قريبة وتعتبر كشته سريعة ما يحتاج لها تخطيط كبير، وهذا أحد الخيارات الثانيه لأودية الرياض 🏜

ما يحتاج نوصيكم في حال زادت الأمطار أنتبهوا من النزول للأودية واقعدوا فبيوتكم لما تتحسن الأجواء وما يصير خطر عليكم الله يحفظهم ❤️

أحلى أماكن كشتات مناسبة لأجواء الرياض الممطرة