أخيرًا مستر فيفا يجاوب على السؤال

سعد السماري المعروف بمستر فيفا أحد مؤسسين صناعة المحتوى على اليوتيوب في السعودية، وهو أحد أكبر اليوتيوبر وأشهرهم وله محبين كثير، في عام 2020 طلع موضوع ترند والكل كان ينتظر إجابه من مستر فيفا لكن بوقتها قرر الصمت من ثم الاختفاء عن الأنظار لفترة طويلة.

سلسلة تحدي الخزنة مع أحمد القحطاني (شونق) تظهر الإجابة المنتظرة

ظهر مستر فيفا في سلسلة الخزنة بحساب شونق على اليوتيوب، ومن ضمن التحديات كان السؤال اللي الجميع منتظر من مستر فيفا الإجابة عليه.

موصى به

تعليق محمد عبده بعد ما خسر شاب وظيفته بسببهأخيرًا مستر فيفا يجاوب على السؤالأبرز الأماكن السياحية في الدمام لأن درجة الحرارة 24

السؤال كان في سنة 2020 صارت أحداث أثرت على مسيرتك وحياتك الشخصية والناس طلعت تتكلم عنك يمين ويسار وإلى يومنا ما سمعنا شيء منك؟

الجميع كان ينتظر الإجابة على هذا السؤال وأخيرًا مستر فيفا جاوبنا وقال: بعد تقديمه اعتذار لجمهوره تحدث أنه ببعض الأحيان الإنسان بحياته يمر بخيارات، ويختار يا أنه يتكلم عن أخوياه وتهجر أخوياك وتكفر بالعشرة وتتكلم عن فلان وعلان عشان “ تنظف صورتك“  أو أنك تبعد وتجنب الإساءة لأي أحد، وهو أختار الخيار الثاني وتجنب الكلام عن الموضوع.

كمل كلامه أنه تأثر نفسيًا بسبب هذا الموضوع ومحد فاهم اللي مر فيه لأنه بعد 21 سنة انفصل عن زوجته وفيه أشياء كثيرة ما يقدر يقولها.

بكل ثقه قال مستر فيفا لشونق أنه مستعد يعطيه كشف حساب الشركة من فتحها إلى أن قفلها ومستعد يعطيه أي أوراق يطلبها منه لكن مستحيل أنه يطلع على اليوتيوب أو أي منصة ويتكلم عن أي أحد بالتحديد عن أشخاص عاش معهم فترات مهما كان الموضوع ومهما كان الموقف، وإنه يخاف الله وربي فوق.

تابع كلامه مستر فيفا، وقال لشونق: “تخيل أحد يجي لولدك ويقوله أبوك سراق؟ هل هذا يريضيك، لكن الحمدالله ولدي كبير وفاهم“.

عن سؤال شونق عدم ظهوره للتوضيح بوقتها قال مستر فيفا: “أفرض أني سارق 500 ألف مليون بيسكت؟ فيه نظام وأنا مستعد أعطيك حساب الشركة من فتحنا لين قفلنا“.

بعدها قال مستر فيفا لشونق “تذكر بندريتا يوم نزل الفيديو؟ مسعد أحلف أنه ما كان ينوي شر وما كان يتوقع رد الفعل هذه لأن الولد أعرفه من سنين لكن ما صاحبه من بعدها طلع فلان يتكلم وعلان وصار محتوى للناس فأرد على مين ويخلي مين”.

ختم مستر فيفا كلامه وقال: “خسرت ملايين بس ما خسرت مبادئي”

أخيرًا مستر فيفا يجاوب على السؤال