آه ما أرق الرياض..

معروفه العاصمة بأنها من الوجهات السياحية الأولى في المملكة.

ومعروفة بأماكنها الجميلة اللي تفتح النفس والكل أتفق على حبها ومين اللي مايحب الرياض؟

.وكلنا نعرف شتاء الرياض غير, واذا ما حسيت بأنك تجمدت وصرت عباره عن ثلجة متحركة فأنت ما جربت برد الرياض

ومع كل هذا نحب نطلع ونستمتع ورايقين مهما كانت برودة الأجواء.

موصى به

وش سر الأفلام السعودية اللي قاعدة تكسر الدنيا؟أحدث امرأة سعودية تفوز بمرحلة في رالي داكارالأعمال الفنية القادمة في الرياض

وهذي قائمة لطيفة بتعجبك وبتعّرفك على أفضل وجهاتك الشتوية في الرياض :

مطل الوادي

مطل الوادي من الأماكن الحلوة والوجهات الشتوية الجديدة بالرياض, موجود في مزرعة بمنطقة الدرعية.

المكان لطيف وفيه عدد من المطاعم والكوفيات وجلساتهم حلوة وتناسب الصغير والكبير. ومن ضمن المتاجر الموجودة متجر ” ذا بوب اب”.

وعشان تدخل وجهة مطل الوادي.. لا تنسى تحجزلك قبل من تطبيق ” ماي تيبل”.

شتاء أشجار

شتاء أشجار تابع لـ أشجار كافية, موجود في منطقة العمارية.

وهو فعلاً من الأماكن الشتوية اللي تفتح نفسك بجلساتها الخارجية والداخلية وغير المكان الساحر و اللي يذهلك.

من الأخر شتاء أشجار من الأماكن الرايقة اللي لازم تزورها و تشرب فيها قهوتك بكل استمتاع مع أصحابك.

وبرضوا في شتاء أشجار لا تنسى تحجز لك من تطبيق ” ماي تيبل” ومثل مايقولون ( جنة الأطفال منازلهم ).

منطقة ذا جروفز

منطقة ذا جروفز من أحد فعاليات موسم الرياض اللي بدأت في 2021 وراح تستمر الى 11 مارس 2022 .

وتعتبر من المناطق الراقية واللي تاخذك لعالم ثاني.

منطقة الفن والإبداع والخيال، كل شي فيها راح يبهرك.

وبتلقى فيها عدد من المتاجر المميزة وبرضوا المطاعم العالمية اللي دايم ودك تجربها..

مو بس كذا برضوا راح تلقى فيها ورش عمل متنوعة ومناطق ترفيهية وثقافية.

وحتى الحفلات الغنائية موجودة.. لا وبشكل دوري بعد. ماقلتلك تاخذك لعالم ثاني؟

وتقدر تحجز تذكرة دخولك من الموقع الرسمي لموسم الرياض.