أسلوب الحياة

أفضل ٦ فعاليات بالشرقية بأسعار اقل من ١٠٠ ريال

loovinsaudi
بواسطة
أفضل ٦ فعاليات بالشرقية

أفضل ٦ فعاليات بالشرقية بأسعار اقل من ١٠٠ ريال

أحيانا نطفش من نفس الفعاليات اللي نسويها كل ويكند وودنا بشئ جديد. دائمًا لما نبحث عن فعاليات جديدة لازم نحط كم شئ بعين الإعتبار: هل تناسب كل المجموعة؟ هل بتكون ممتعة فعلًا؟ وهل سعرها معقول؟

لأننا نعرف هذه الأسئلة وتمر علينا قبل كل طلعة، بحثنا عن أفضل أماكن الفعاليات اللي أسعارها معقولة بالمنطقة الشرقية وبالتحديد في الدمام والخبر

١. يلو كاريوكي

تقدر تستمتع في يلو كاريوكي وتغني كل الأغاني اللي تحبها مع أصحابك وأهلك، ومين يدري؟ ممكن واحد منهم أصلًا فنان بس ما اكتشف صوته من قبل!

المكان ترفيهي جدًا ويخليك تطلّع طاقتك وتغني براحتك. غير كذا عندهم منيو كبير أطباقه لذيذه مثل البرقر والحلا والموهيتو وغيرها 😋

سعره ٤٠ ريال للشخص

الموقع 

٢. سكاي للسكوترز

سكاي هو محل متخصص لتأجير السكوترز في الخبر، وسعر تأجير السكتور لساعتين عندهم هو ٧٠ ريال بس

خذ لك لفه فيه أنت وأصحابك واستمتع في الكورنيش وأجواءه 💚

٣. بولينق 🎳

لو تحبون البولينغ أو ودكم تتعلمون عليه، تقدرون تزورون صالة البولينغ في مركز القصيبي الرياضي بالخبر وتسمتعون بجولة كاملة بـ٤٠ ريال فقط

غير كذا عندهم أنواع أنشطة مختلفة لكل العائلة مثل مثل رقص الزومبا المضئ وكرة الطاولة

٤. بورد قيمز

مقهى السقيفة في الخبر يقدّم أشكال متنوعة من ألعاب الطاولة (أو البورد قيمز) في الخبر

خدمتهم مميزة ويساعدونك حتى تختار اللعبة اللي تناسبك 👌🏼

٥. الغرفة المجهولة

  غرفة المجهول في الخبر يعطونك غرفة تكون محجوز فيها أنت وفريقك ومطلوب منك مهمة، ولازم تنجزها وتهرب من الغرفة خلال ٦٠ دقيقة بس! تقدر تسابق الزمن؟

عندهم عرض مستمر لتاريخ ٢٠ سبتمبر بسعر ١٠٠ ريال للشخص، يعني لا يفوتك 🔥.

٦. متاهة المرايا

 هي عبارة عن دخولك لمرايات عملاقة بضوء خافت مع مؤثرات صوتية حماسية، وهنا لازم تعتمد على نفسك وتفرّق المرايات الوهمية والحقيقية عن طريق حاسّة اللمس.

نتمنى نالت هذه القائمة إعجابك، وإن شاء الله تستمتع بهالفعاليات 💚

التسوق

إقرأ المزيد

المزيد مثل هذا