الصيف في أغلب مناطق السعودية حار نار وحنا اصلًا متعودين على الموضوع هذا من مبطي تلقانا نشرب شاهي ودرجة الحرارة تطيح العصافير من السماء، صحيح حنا متعودين على الصيف ولكننا دايم نفضل الشتاء البارد والمنعش، طبعًا فيه فئة تعشق الصيف وتفضله على الشتاء نعم هذا النواع من الناس موجود ويعيش بيننا، حتى أنت المقال هذا بيعطيك أفكار حلوة لا تشيل هم.

جرب تروح أقرب محل خضار وتشكل لك فواكه بس ركز على الفواكه الاستوائية مثل الأناناس والبابايا وجوز الهند أو حتى المانجو ما في قواعد اللي تشوفه مناسب شيله معاك وتوجه للبيت بسرعة قبل لا تذوب مع الحر 🏃🏽

موصى به

إبداع السعوديين في مسابقة تصميم أكواب القهوةأكبر خمسة صنّاع محتوى بالسعودية!ابن الملك يلبي عزيمة عمّال على الرصيف

طيب أنت الحين في البيت ومعك الفواكه حقتك ومفروض تكون مبسوط لأنك بتقدر تسوي فيها أشياء كثير مثل

أخلط اللي  تشوفه مناسب مع شوية ثلج وبيطلع عصير منعش أو حتى ممكن تسوي فيه سموذي يسرسح على قلبك وإذا مره تبي تنتعش جرب تفرزن السموذي في قوالب أو كاسات ورق عادية بيطلع معك ايسكريم شايف كمية الأشياء اللي تقدر تسويها من شوية فواكه وإذا أنت كسلان وما تبي تسوي كل ذا الأشياء سوي سلطة فواكه وحط معها ثلج وبالعافية عليك 😋

طيب نوصل لشيء مهم في كل بيت ومستحيل نعيش بدونه في الصيف وهو المكيف، هذا الاختراع لازم الواحد يتأكد من صيانته بشكل دائم عشان يشتغل بأعلى كفائة ويبرد بشكل ممتاز كثير من الناس تهمل النقطة هذه ويكون المكيف عندهم ما يتشغل بأعلى كفائة.

أنت رياضي أو أنتِ رياضية بس الجو ما يساعد والنادي زحمة جرب تمارس المشي في المولات المغلقة صدقني لو ما جربت الموضوع هذا من قبل بتدمن عليه بس أنتبه من قسم المطاعم خلك بعيد عنه 🙈

عندك أساليب مختلفة عن اللي ذكرناها شاركنا أفكارك على #lovinsaudi