أسلوب الحياة

هذي 4 أماكن مناسبة للرياضة والمشي في الرياض

loovinsaudi
بواسطة

زي ما الكل عارف ان رياضة المشي جدًا مهمة لصحة الانسان ونشاطه وتعتبر من اقل الانشطة البدنية في الجهد وسهولة وبساطه في ممارستها واقل تكلفة وما تحتاج الشخص يتعب نفسه بشكل كبير 🙏🏻

والناس الفترة الحالية صار عندها وعي اكثر عن الرياضة واهميتها رغم وجود الوسائل الحديثة اللي تحد الناس من انهم يقضون مشاويرهم القصيرة مشي ويستبدلونها بالسيارة ومع رؤية المملكة 2030 وكأحد برامج جودة الحياة نصّت على ان الاسرة يجب انها تكون جزء من المجتمع الرياضي اللي يشارك في جميع الانشطه البدنيه والثقافية كم نصت على زيادة عدد ممارسين الرياضة من 13% الى 20% في عام 2020 وتصل حتى عام 2030 الى 40% ان شاء الله .

 فأعدينا لكم قائمة فيها ابرز الاماكن المخصصة لممارسة رياضة المشي او الجري او على الدراجة الهوائية بعيدًا عن السيارات والاماكن المزدحمة .

ممشى وادي حنيفه

 هو الممشى المثالي اللي تقدر تسوي رياضتك فيها خصوصًا لمحبين ممارسة رياضة الدراجة الهوائية وسط اجواء الوادي الهادية واللطيفه الي تمر فيها بدراجتك بين المزارع والواحات بعيدًا عن صخب المدينة ويمتد طول الوادي لأكثر من 180 كيلو متر داخل منطقة الرياض  🙌

 

 ممشى الملك عبدالله

من احدث الاماكن المفتوحه لممارسة رياضة المشي والجري الموجودة في الرياض ويقع الممشى على المحيط الخارجي لجامعة الامير سلطان ويتميز بالمسارات الكثيييرة اللي تخليك تمارس رياضتك المحببه بكل اريحية بدون ما تضايق غيرك 👍

 

ممشى حديقة حي النهضة

ممشى الاتجاه الواحد ويعتبر من اقدم الاماكن المفتوحه في الرياض اللي تخليك تستمتع وانت تسوي رياضتك فيها

والممشى يتوسط حديقة النهضة اللي تاخذ شكل جزيرة يمتد طولها 3 كيلو متر وتقدر تمارس رياضة الجري او المشي او على الدراجة الهوائية بين بالأشجار والأجواء الجميلة وأفضل وقت عشان تستمتع بالمكان وقت غروب الشمس 😍

ممشى حديقة محمد بن القاسم في حي الروابي

هو الممشى الافضل ليش؟

لأن فيه تنوع بالوسائل الرياضية اللي تخلي كل شخص يمارس رياضاته المختلفه بكل حب وفي مكان واحد والأجمل في المشى فيه مضمار رياضي محسوب بالمترات وايضًا فيها اجهزة رياضية متعددة خصوصًا لممارسي الرياضات الهوائية وفيه ملاعب كورة وسلة وطائرة اذا تبي تطقطق شوي بعد التمرين 😉

 

التسوق

إقرأ المزيد

المزيد مثل هذا