الرياضة

الرياض تستقبل رونالدو بالمطر

Avatar
بواسطة
الرياض تستقبل رونالدو بالمطر

الرياض تستقبل رونالدو بالمطر

في أجواء ممطرة وصل الأسطورة كريستيانو رونالدو إلى العاصمة الرياض.

انتظار رونالدو

الكل كان ينتظر وصوله من بعد ما نشر مقطع له بالطيارة، وفيه من كان يراقب مسار الطيارة ويعطي تحديثات لكم باقي على وصولها، وطبعًا ما نقدر نلومهم اللي بيجي واحد من أعظم لاعبين العالم عنده ٥ كورات ذهبية و دوري أبطال والهداف التاريخي لأعظم نادي بالعالم ريال مدريد.

لحظة وصول رونالدو

بس وصل للمطار الكل كان متحمس لشوفته ويرحب فيه لدرجة حتى شوارع الرياض رحبت بقدوم رونالدو بلوحات في كل مكان.

وتداول مقطع لنزوله والوفد اللي معه من الطيارة .

وصورة بالمطار حققت انتشار مو طبيعي.

حتى بوليفارد رياض سيتي احتفل بوصول رونالدو

ردود فعل على وصوله 

بعد ما وصل الرياض شفنا ردود فعل كبيرة من معجبينه فيه منهم السعيد بشوفة نجمة المفضل وفيه من هو حزين لأن نجمة المفضل بيلعب لمنافسه بالدوري.

وفيه اللي للحين مو مصدق أن رونالدو بالرياض

اليوم الساعة ٧ راح يُقدم رونالدو للجماهير والتذاكر كلها خلصت في أقل من ساعة لدرجة أن الطابور للحجز وصل أكثر من ١٠٠ ألف شخص 🤯 لكن لا تشيل هم فيه قنوات سعودية وخليجية راح تنقل التقديم والتمارين اللي بعدها كاملة.

ويقولون أن قصر رونالدو بيكون بحي المحمدية.

كلنا الحين منتظرين اليوم اللي بنسمع فيه المعلق يصرخ بهدف للأسطورة والجماهير بصوت واحد تقول  siiiiiiiiiiiii


الرياض تستقبل رونالدو بالمطر

التسوق

إقرأ المزيد

المزيد مثل هذا