السفر

جهود عظيمة قدّمها السعوديين لخدمة ضيوف الرحمن في رمضان

Avatar
بواسطة

جهود عظيمة قدّمها السعوديين لخدمة ضيوف الرحمن في رمضان

في كل سنة العالم ينبهر من الجهود اللي تقدّمها السعودية وحكامها وشعبها لخدمة ضيوف الرحمن وبكل سنة يتفوقون على أنفسهم ويأكدون للعالم أجمع إن ما فيه دولة ولا حكام ولا شعب يقدرون يسوون اللي سوته السعودية للمعتمرين والزوار اللي عددهم تخطى الملايين بأنها تنظمهم وتمنع التدافع أو أي ضرر ممكن يخطر على بالك لما تشوف عددهم الهائل، وهذا الشيء رحمة وفضل من الله، لأنه وضع الحرمين الشريفين في السعودية البلد الوحيد اللي تقدر إنها تحافظ عليه وتقدّم أفضل خدمة لضيوف الرحمن.

اليوم بنشارككم جزء بسيط من اللي قدموه السعوديين لكل الضيوف 🙏🏻

أكثر الأشخاص أهمية بأننا نشكرهم على تعبهم وجهودهم اللي يبذلونها ليل ونهار بدون ما ترمش لهم عين، هم رجال الأمن في الحرمين ساهرين طوال الليل لحماية الناس


حتى وهم يشعرون بالتعب كانوا يقوون أجسامهم ويحّملون طاقتهم فوق قدرتها كله عشان المعتمر يقدر يرتاح في عمرته تحت حماية الله ثم السعودية ورجالها، وشفنا مقاطع كثير تدل على التعب اللي يشعرون فيه مثل أحد رجال الأمن اللي أغمي عليه من شدة التعب خصوصًا إن كان صيام فـ الجسم غالبًا ما يتحمل الوقوف لساعات طويلة مع كامل التركيز تحت أشعة الشمس 👇🏻


بعد انتهاء شهر رمضان هذه كانت فرحة رجال الأمن بعد نجاح كامل جهودهم وخطتهم اللي كانوا مجهزينها، الله يسعدهم وعساها فرحة دايمة يا رب 😍

الكل يشهد على حسن تعاملهم وخدمتهم اللي يقدّمونها لأي شخص أمامهم

هم فعلًا جنود الأرض الله يحفظهم ويقويهم يا رب، دعوات جميلة وكلمات لطيفة وجّهها أحد المعتمرين لرجال الأمن

وخدمتهم لا تنحصر على عملهم وبس حتى إنهم يخدّمونك فوق مهامهم الرئيسية أهم شي إنك تكون مرتاح في بيت الله ومبسوط

مستحيل تشوف رجال أمن مثل السعوديين بحسن تعاملهم مع الجميع

يوم العيد كان الكل مبسوط وسعيد ورجال الأمن على رغم التعب اللي عانوه إلا إنهم بنفس النفسية الجميلة والروح اللي تعوّدنا عليها، بالمقطع رجل أمن يوزع عيديات على الأطفال 💚

الله يعز دولتنا وحكامها ورجال أمنها وشعبها ويقويهم ولا يرينا فيهم مكروه يا رب 💚🇸🇦

جهود عظيمة قدّمها السعوديين لخدمة ضيوف الرحمن في رمضان

التسوق

إقرأ المزيد

المزيد مثل هذا