فتاة تنهي معاناة والدها بتبرعها بالكبد
فتاة تنهي معاناة والدها بتبرعها بالكبد
المواقف والأمثلة اللي نضربها عن البر كثيرة، وفي الفترة الأخيرة شفنا العديد من الأمثلة الرائعة لشباب وشابات قدموا تضحيات كبيرة من أجل إسعاد والديهم أو إخوانهم وإدخال السرور لهم.
من ضمن هذه المواقف اللي تكلمنا عنها من قبل، الفتاة اللي تبرعت بكليتها لأمها، والشاب اللي تبرع لأخوه بكليته، وغيرها كثير من الأمثلة اللي تبين مدى الترابط الأسري في السعودية.
عواطف البلوي تنهي معاناة والدها
عواطف شابه سعودية، عانى والدها لسنوات، وصار محتاج لمتبرع بالكبد بأسرع وقت ممكن، من بعد ما وصلها هي وأخوانها وخواتها الخبر على طول كلهم قدموا عشان يسوون الفحوصات ويشوفون من اللي تتطابق فحوصاته مع والدهم.
عواطف كانت تدعي ليل نهار أن الفحوصات تتطابق معها، لأنها طمعانه بالأجر وتبي تقدم لوالدها جزء من جسدها عشان تنهي فيه معاناته.
فيديو | “يعز علي أن أرى والدي يتألم لأعوام مديدة”
عواطف البلوي تضرب أصدق معاني البر والعطاء بعد تبرعها بجزء من كبدها لوالدها #نشرة_النهار #الإخبارية pic.twitter.com/cmN2XHnt5T
— قناة الإخبارية (@alekhbariyatv) May 6, 2024
بعد ما تم إجراء الفحوصات ربي استجاب لدعوات عواطف وتطابقت فحوصاتها مع والدها، وقدرت تسوي العملية التبرع في مستشفى الملك فيصل التخصصي بالرياض، واللي نجحت ولله الحمد.
بعد سؤالها عن وش اللي دفعها عشان تتمنى هالأمنية قالت: أول سبب خلاها تتمنى هالأمنية هي معاناة والدها اللي كانت من سيئ إلى أسوأ، وأن الحمدالله الطب حاليًا تطور والعملية كانت من أسهل ما يكون. وأنها ولله الحمد قدرت تنهي معاناة والدها.