تمديد افتتاح ونتر وندرلاند الرياض!
تمديد افتتاح ونتر وندرلاند الرياض!
بالفترة الماضية قرأنا كثير أخبار عن ونتر وندرلاند انها بتقفل في 22 ديسمبر! وعن انتهاء فترة افتتاحها والكل صار يروح لها وينبسط قبل تقفل!
يارب يمددون ونتر لاند لان حرفياً ماني مستوعبه انها بتقفل واحنى تونا 😔
— Deema (@_xrcl) December 20, 2022
وفي ناس زعلت من هذا الخبر وأنهم باقي ماراحو ونتروندرلاند وودهم يزورونها! 🥲
ضايق صدري مررره بتقفل ونترلاند وانا مارحت هالسنه😢😢😢😢😢
— S (@eiseise) December 20, 2022
وصار الكل يلّحق الوقت ويروح لها قبل صدق تقفل، وشائعات تقول انها راح تتمدد فترة اطول🤷🏻♀️ وبما انهم كل سنة يسوون نفس الحركة يمددونها إلى تاريخ 31 مارس. إلا أن هذه المره غير، كانو ساكتين ومحد تكلم عن التمديد ولا قالو شي وهذا اللي خلى الناس تقول شكالهم من جد! راح يقفلونها 🥺
ونتر لاند بتقفل بسرعه كذا لييعععششش !!!
— 𝗺𝗮𝗻𝗮𝗹 (@MNALDH) December 13, 2022
وفي ناس طلبوا طلب غريب، خلوها مفتوحه وماراح اروح لها بس أهم شي لاتقفل 🤣 ليش طيب؟ أتوقع منظرها بالرياض لحاله يوّنسك 🥲
ونترلاند بتقفل بعد ٩ ايام بس🙁🙁🙁 مابي اروح بس خلوها شغالة ياخي
— •• (@seieow) December 13, 2022
حتى المهرجين والشخصيات المرعبة اللي هناك كانو حزينين لخبر الإغلاق 😓
@shagaaoh24 يارب يمددونه ❤️#fyp #بيت_الرعب #ونترلاند_موسم_الرياض #جيش_محمد_عبدالله❤️ ♬ خليل الضيف – خليل الضّيف
إلى أن جاء شخص ينظم في ونتروندرلاند وبما انه يشتغل هناك أكيد عنده معلومات عن متى راح تقفل بشكل نهائي! هذا الشخص نشر مقطع فيديو على برنامج ”تكيك توك“ وكتب تعليق على الفيديو ”تم تمديد ونتر وندرلاند لمدة شهر“ 🤯
وبرضوا أحد أصحاب المحلات اللي فاتحين هناك نزل مقطع فيديو وكان كاتب عليه ”تم تمديد ونتر ونتردلاند لمدة شهر“! 🤔
@tjarb_food تم تمديد ونتر لاند 🫡🎢 #تمشية_في_الرياض#موسم_الرياض#فعاليات_الرياض#تغطيات_الرياض#كافيهات_الرياض#مطاعم_الرياض#الرياض#السعودية ♬ الصوت الأصلي – تمشية في الرياض 🚲📍
لكن إلى الان مافي خبر رسمي عن فترة التمديد حتى في موقع موسم الرياض باقي ماتغيّر التاريخ وهو 22 ديسمبر 👎🏻
