تعرّفوا على ساندلايفرز: مجموعة محبين التزلّج بالسعودية
تعرّفوا على ساندلايفرز: مجموعة محبين التزلّج بالسعودية
تختلف أشكال رياضة التزلج من التزلج على العجلات للتزلج على لوحات التزلج، وهذا هو اللي تميز فيه فريق ساندلايفرز بالسعودية
صار التزلج (أو السكيتنق) واحد من أبرز الفعاليات اللي يحبّها الشباب السعودي، حتى صارت لها أماكن مخصصة عشان يمارسونها بكل أمان ويستمتعون فيها مثل بعض الحدائق المخصصة أو أماكن المشي المخصصة وغيرها، وتٌعرف ساحة التزلج بالبوليفارد بأنا أبرز مكان يتجهون له السكيترز، وما زالت هذه الوجهات في توسّع حاليًا
تعرّفوا على ساندلايفرز 🛹
View this post on Instagram
كانت بدايات ساندلايفرز بعام ٢٠١٥ لكن بعد مواجهتهم لبعض الصعوبات بإيجاد الأماكن المناسبة وتكوين الفريق توقف الفريق لفترة، لكنه رجع بشكل أكبر بعام ٢٠١٨ وكان شغفهم وحماسهم أكبر لما بدأت تزيد الأماكن اللي يقدرون يمارسون فيها السكيت بوردنق، ومن الجدير بالذكر أن تأسيس الاتحاد السعودي لرياضات المغامرة كان له دور كبير في هذا الشئ
وثائقي عن أحداث يوم فريق ساندلايفرز
قاموا ساندلايفرز بتصوير وثائقي خاص فيهم يتكلمون فيه عن أبرز التحديات التي تواجههم كأحد أبرز فرق السكيت بوردينق بالرياض، ويتكلمون فيه عن أعضاء فريقهم وكيف بدأ الفريق، إضافة لأنهم تكلموا عن أهمية الفريق بحياتهم وأنه صار مجتمع خاص فيهم ويعطيهم مساحة يكونون مٌحاطين بناس يفهمونهم ويشاركونهم الإهتمامات، وهذا يدل على أن ممارسة الرياضة بشكل عام ماهي محصورة بس بأثرها الجسدي وانما يساعدك بجوانب كثيره ثانية بحياتك ♥️
View this post on Instagram
من اللي ذكره الفريق أيضًا أنهم حابين يطورون من مستواهم ويزيدون حجم فريقهم مستقبلًا، وذكروا أنه يتمنون يكون فيه أماكن أكثر يمارسون فيها رياضتهم المفضلة مستقبلًا وتكون مهيئة بالشكل المناسب
شبابنا يستاهلون الدعم 👏
View this post on Instagram
قامت مؤسسة بينالي الدرعية بتقديم الفيلم الوثائقي الخاص بساندلايفرز في وادي سينما بشهر فبراير الماضي، بدعم مقدم من مشروع أفلام أٌناس
ودكم تتعلمون السكيتنق؟
View this post on Instagram
بعض أفراد فريق ساندلايفرز يقدّمون تدريب لكل المهتمين بالسكيتنق تبع نادي مختص بالتدريب لرياضات الإكستريم بالسعودية
