سبايكي يجبر بخاطر فتاة من ذوي الاحتياجات الخاصة

في أحد بثوثه المباشرة طلع حسن الحربي المعروف بسبايكي في قست مع فتاة أسمها رورو من ذوي الاحتياجات الخاصة، وهم يتكلمون مع بعض قالها سبايكي أنه بيروح لمكة قريب، فطلب منه رورو يدعي لها أن حلمها يتحقق.

حلم وأمنية رورو

بعد طلبها سألها سبايكي عن وش حلمها إذا عادي تشاركهم إياه، كانت إجابتها مغمورة بمزيج كبير من الاشتياق والحنين لرؤية جدتها من أمها.

قالت رورو أنها سعودية وأمها مصرية، ومن توفى أبوها ما قدرت أمها تسافر لمصر، وأن أمنيتها تشوف جدتها من أمها اللي عمرها 70 سنة، لأن دايم تشوفها من الجوال بس وبخاطرها تشوفها بالواقع.

موصى به

أفضل الأماكن لقضاء ويكند مليان بالمتعة في الرياضقصة سعودي نجا من عبارة السلامحائل مدينة تسابق المستقبل

سبايكي يحقق حلم رورو

تفاعل سبايكي مع رورو وسألها أنتِ تبين تروحين مصر، وبس قالت له أن هالشيء من أمنياتها، قالها أبشري تذاكرك أنتِ وأمك وخواتك وخالك علي، بس يحددون له وقت الرحلة اللي يبونها.

سبايكي يجبر بخاطر فتاة من ذوي الاحتياجات الخاصة

بعدها طلب منها تخلي خالها يتواصل معه عشان يحجز لهم ويجهز لهم سفرتهم بالكامل لمصر ويرتب معه كل الأمور.

بعفوية مطلقة دعت رورو لسبايكي بدعوة جميلة تجبر الخاطر وقالت له ”الله يسعدك مع ذا الفجر والله يوفقك ويخليك لك أهلك وأخوانك ودنياك يا رب يا أرحم الراحمين والله يسعدك مثل ما جبرت خاطري“

بعد هالخبر شاركت رورو سبايكي بأنها مجهزه جوازها ملابسها ودايم تقول هذه ملابس لمصر بس تنتظر الوقت اللي تسافر فيه لها.

حسن الحربي (سبايكي) من المشاهير المعروف عنهم عمل خير، وكان له موقف جميل سابق بوقوفه ودعمه مع محاربة السرطان رزان –رحمها الله–.

سبايكي يجبر بخاطر فتاة من ذوي الاحتياجات الخاصة