صور لأماكن قديمة بالريّاض تسترجع فيها ذكرياتك الجميلة
صور لأماكن قديمة بالريّاض تسترجع فيها ذكرياتك الجميلة
مع تطوّر الرياض السريع اللي شهدناه في الفترة الأخيرة من ناحية اقتصادية واجتماعية وغيرها كثير، ما زلنا نشتاق للرياض القديمة وهدوءها كل فترة والثانية.
كنّا أول لما يفتتح شيء جديد يكون مكاننا المفضّل الجديد لمدة سنوات، لكن الآن مع تعدد المراكز الترفيهية والمقاهي والمطاعم صرنا نزور المكان زيارة واحدة أو بالكثير زيارتين وننساه، وممكن هذا الشيء ما يخليّنا نخلق بزياراتنا ذكريات وقصص مثل أول لحدّ ما.
لو كنت حاب تسترجع ذكريات من طفولتك وحياتك بالرياض قبل ١٠-٢٠ سنه، فهذا المقال لك!
١- ملاهي الخيمة
كثير يقولون أنهم يتذكّرون الساعة اللي كانت تدخلّك بكل الألعاب، وكانوا يلبسونها بالمدرسة الأيام اللي بعدها عشان يورّون أصحابهم الويكند الرهّيب ويسولفون فيه 😂💚
طرى لي شي ما عمره طرى لي😢 #ملاهي_الخيمه جعل ابّيي بجنات النعيم 😍😍 ماعمره قال لا او منيب موديكم اللي يبي يرجع لطفولته يروح لها تصغر بدون ماتحس 😂 كل شي تذكره هناك pic.twitter.com/zPwdym3KKD
— بدور العريج (@dl3teef1) January 15, 2020
٢- ملاهي البراجون
قبل كم سنه صدمنا خبر إغلاق ملاهي البراجون، واللي كانت واحد من أحلى الأماكن الترفيهيه بطفولتنا 🥺
ورحل ملمح من ملامح الماضي الجميل ..
و #الزمن_الجميل ..
ملاهي البراجون في #الرياض تم اغلاقها .. pic.twitter.com/MXu0eKRUFt— Khalid AlShnanah (@KhalidAlShnanah) January 6, 2018
صور لأماكن قديمة بالريّاض تسترجع فيها ذكرياتك الجميلة
٣- مشروب سلاش في بقالات ميد 😋
٤- مجلّة فواصل وأبيات الشعر
كنّا لسا ما وصلنا لعصر الطباعة والبوسترز، ونقصص الصور من المجلات ونعلّقها على الجدران
وكنّا نهرّبها للمدارس عشان نشوف ايش جديد الفنانين اللي نحبّهم
تدخل ( ميد ) تطلب سلاش ازرق و تروح رف المجلات و تفتشها صفحه صفحه ثم ترجعها للرف و تدفع حق السلاش و ترجع بيتكم
متأكد ٩٠٪ مننا عاشوا هالأجواء ❤️ pic.twitter.com/mqvC7ByNmM
— نواف الهويمل (@nwaf_d_a) May 4, 2022
٥- يورومارشيه ومحلّاته
مين يتذكّر يورومارشيه اللي كان فيه كل شي؟ من الملابس للألعاب والمخبوزات، غير المحلّات اللي كنا نآخذ منها أشرطة الـDVD عشان نستمتع فيها بالويكند 🍿
من فينا ي اهل الرياض ماله ذكريات جميلة في يورومارشية. #زمن_الطيبين pic.twitter.com/C8f1ze3NfV
— سوالف ليل 🌙 (@seah60032768) November 4, 2022