فعاليات البوليفارد لهذا الأسبوع: حفلات موسيقية ومسرحيات وموسم الجيمرز!

Avatar
فعاليات البوليفارد لهذا الأسبوع

فعاليات البوليفارد لهذا الأسبوع: حفلات موسيقية ومسرحيات وموسم الجيمرز!

بوليفارد الرياض مستمر بفعالياته مع حفلات العيد الجاية، غير الحفلات والفعاليات اللي متحمسين لها كثير مع بدء موسم الجيمرز بتاريخ ١٤ يوليو الخميس هذا! طبعًا موسم الجيمرز بيبدأ بوقت مناسب جدًا واللي هو بدء إجازة الطلاب، وحتى لو كنتو مو من محبين الجيمنق راح تنبسطون بباقي الفعاليات اللي راح نتكلم عنها بالتفصيل في هذا المقال 👇🏼

فعاليات ١٢ يوليو

📲 راح تقدم الفنانة منة عطية حفلتين بمطعم المحروسة في البوليفارد بتاريخ ١٢ و١٣ يوليو، وتقدرون تحجزون للحفلات عن طريق تطبيق ذا شيفز

راح يقدم الفنان وديع الغصن حفل بنفس اليوم في مطعم ليالي شامية 🎶

ايش الأشياء الرهيبة اللي تنتظركم بتاريخ ١٤ يوليو 🤩؟

أكبر فعالية جيمنق بالعالم راح تكون بالبوليڤارد وراح تبدأ هذا الخميس! راح ينضمن للفعالية فرق جيمنق من جميع أنحاء العالم عشان يتنافسون بالعديد من الألعاب، والفائزين راح يحصلون على جوائز بقيمة ٢ مليون دولار. فوق هذا كله راح يكون فيه منافسات أسبوعية لكل محبين الجيمنق بألعاب كثيرة مثل فورت نايت وببجي وغيرها، ولو حابين تتعرفون على تفاصيل أكثر تقدرون تزورون صفحة موسم الجيمرز الرسمية

أما بالنسبة للفعاليات الثانية راح يبدأ موسم الجيمرز بحفلة موسيقية كبيرة يقدمها فنانين عرب وعالميين مثل عمرو دياب وچي بالفين، واللي تقدرون تحجزون لها من هنا

و غير كذا حفلات العيد راح تكون مستمرة وراح يختتمها الفنان محمد الأهدل في مطعم ليالي عدن 🤩

فعاليات ١٥ يوليو

راح يتم تقديم مسرحية عائلة تِس في مسرح محمد العلي من تاريخ ١٥ يوليو إلى ١٧ يوليو

نتمنى تستمتعون بهذه الفعاليات وين ما اخترتوا تروحون 💚

فعاليات البوليفارد لهذا الأسبوع

التسوق

إقرأ المزيد

المزيد مثل هذا