فعاليات تقويم الرياض مولّعة الدنيا!

Avatar
فعاليات تقويم الرياض مولّعة الدنيا!

فعاليات تقويم الرياض مولّعة الدنيا!

صحيح أن موسم الرياض اللي كان من أحلى المواسم انتهى، لكن فعاليات الرياض بشكل عام ما تنتهي.. وتقويم الرياض جاي بفعاليات كثير بتعجبك وأكيد بتوّنسك لما يرجع موسم الرياض مره ثانية 👀

تم الاعلان عن تقويم الرياض في حساب موسم الرياض، بعد ما غيّروا اسم الحساب لـ تقويم الرياض! ونشروا بعض من الفعاليات الجايه قريب، خلونا نشوفها سوا 🤩👇🏻

  • ليالي غنائية
  • حفلات لأكبر الفنانين
  • مسرحيات
  • ستاند اب
  • ويكند التنكر
  • مناطق جديدة
  • مطاعم عالمية

وفعاليات ترفيهية مختلفة في بوليفارد الرياض سيتي وفي بوليفارد وورلد وكثير من الأشياء الحلوة اللي تنتظرك فيه 🔥

ابتداءً من شهر فبراير راح تبدأ الفعاليات وبتكون البداية هي حفلة ليلة صوت الأرض للراحل طلال مداح، تكريمًا واحترامًا لتاريخه العريق رحمه الله 🙏🏻

ومع تقويم الرياض ترا منطقة ذا جروفز مستمرة 🔥 وهذه المنطقة بالذات فوق الخيال وكأنك في الحديقة الساحرة 🪄

منطقة بوليفارد وورلد مليانه فعاليات مثل كومبات فيلدج، إذا جوّك مغامرات وألعاب بأسلحة نارية، هذه المنطقة راح تعجبك! 🔥

وتنتظرك الكثير من التجارب والفعاليات والمناطق اللي لازم تزورها! وتشاركنا صورك على هاشتاقنا #lovinsaudi 🤩

التسوق

إقرأ المزيد

المزيد مثل هذا