أسلوب الحياة

قائمة أماكن في عسير حلو أنك تزورها

Avatar
بواسطة
قائمة أماكن في عسير

قائمة أماكن في عسير حلو أنك تزورها

بما أني بروح لمنطقة عسير بعد كم يوم، جلست أبحث عن أماكن أزورها هناك وقررت أشارك إياها عشان لو عندك نيه تروح تستفيد من هالمقال، أو ممكن أحمسك تزور عسير بعد ما تكتشف هذه الأماكن معي.

قائمة أماكن في عسير

السودة

السوده من أجمل الأماكن في عسير عشان كذا متحمس كثير لزيارتها وتجربة الطيران الشراعي فيها، وأكثر مكان بخاطري أزوره متحف الجحل التراثي لآن بخاطري أتعرف على تاريخ المنطقة كاملة، وعشان أروق راح أمر على دكة الشاي وأمخمخ عندهم شوي، على طاري الشاي لا يفوتك هذا المقال!.

موصى به

مزارع حول السعودية لانتعاشة الصيف مزارع حول السعودية لانتعاشة الصيف حديث أطفال عن أجواء الجنوب يلفت الانتباه بمواقع التواصلحديث أطفال عن أجواء الجنوب يلفت الانتباه بمواقع التواصلأماكن بالسعودية تساعدك تحتمي من الحرأماكن بالسعودية تساعدك تحتمي من الحر

المسقي

هالسنة المسقي أكل الجو، والصدق الفديوهات والصور اللي طلعت له حمستني أروح واستمتع بالجو هناك، وفيه مكانين ناوي أزورهم وهي قصور أبو  شاهرة وزاب المسقي لأنهم جذبوني مرة.

قائمة أماكن في عسير حلو أنك تزورها

حديقة الورود

أنا من الناس اللي يحب الزهور والورود عشان كذا هذا المكان بيكون أهم وجهة لي برحلتي لعسير، فعلًا المكان خيالي يعني تخيل معي تمشي ويمينك ويسارك ورود تفتح النفس وفوقها أجواء عسير الخورافيه.

ممشى الضباب

الضباب والجو الحلو أكثر ما يميز عسير عن غيرها، فكيف لو كان المكان كله ضباب لدرجة الممشى اللي فيه سموه ممشى الضباب، بصراحة من الأماكن اللي متحمس لزيارته كثير.

المدينة العالية

كثير مدحوا لي المدينة العالية والمطاعم والكافيهات اللي فيها، وتحمست أزورها واستكشف المكان بشكل أكثر بالتحديد الإطلالة اللي فيه.

قائمة أماكن في عسير حلو أنك تزورها

منتزه السحاب

المنتزه أنا زرته زمان للأمانة الأجواء ما أقدر أوصفها لك من جمالها، وأكيد راح أكرر زيارتي له مره وثنتين وثلاث.

@mno_952 #منتزه #السحاب#ابها ♬ الصوت الأصلي – N24🎼🕊

هذه كانت قائمتي للأماكن اللي راح أروح لها في رحلتي لمنطقة عسير، وممكن تشاركني بأماكن ما ذكرتها وتنصحني فيها بهشتاقنا #LovinSaudi

Post Views: 102
التسوق
إقرأ المزيد
المزيد مثل هذا

Support Lovin

Loyal Lovin readers can support Lovin so we can continue to share the stories of all amazing cities

Minimum custom amount to enter is AED 2

By donating, you agree to the Privacy Policy and Terms of Service