أسلوب الحياة

قصة اليوتيوبر بندريتا مع الاكتئاب

Avatar
بواسطة
قصة اليوتيوبر بندريتا مع الاكتئاب

قصة اليوتيوبر بندريتا مع الاكتئاب

اليوتيوبر المحبوب واللي نتوقع كل الشعب والخليج يتابعه ويحبه من الكبار والصغار، هو بندريتا💚

قبل أمس كتب تغريدة في التويتر انه راح ينزل أخر مقطع له على قناته في اليوتيوب وراح يوقف لمدة شهر وانه يبغى يرتاح.


بندريتا في هذا المقطع كشف لنا عن سر كان مخبيه عن جمهوره ومحبينه، وهو انه كان يعاني من الاكتئاب وما كان يعرف ايش اللي فيه بالضبط! .. السر اللي كان مخبيه حتى عن أهله وأصحابه وما يعرف عن هذا السر الا نفسه!

حاول بندريتا خلال فترة الاكتئاب انه يشرح للمقربين له عن المشاعر اللي يحس فيها والأشياء اللي يمر فيها .. مثل الكوابيس وقت النوم وفقدانه للشغف وشعور السعادة الملغي بداخله وعدم رغبته باكمال حياته ، لكن لا حياة لمن تنادي، ما كان احد ياخذ الموضوع على محمل الجد وحلولهم كانت عباره عن صلِّ و أحمد ربك..🤷🏻‍♀️

كلنا عارفين أن الصلاة مهمة واللي ما يصلي راح يفقد شعور الراحة والسعادة من حياته، لكن الاكتئاب مرض ماله علاقه في الدين، وهذا المرض يصيب الكل سواء شخص ”متديّن“ أو شخص عادي، وعلاجه بسيط وسريع اذا الشخص راح لدكتور نفسي. لكن بندريتا ما كان يعرف أيش اللي فيه أصلًا.

وفي يوم من الأيام بعد ما تواصل بندر مع كل أصحابه وحاول يشرح لهم ما لقى عندهم حلول!، قرر بندر انه ينهي حياته، ولما جاء أمام اللحظة الأخيرة وبشكل مفاجئ جاء في باله شخص قديم كان يعرفه وقريب منه، فكر بندر وقال هذا أخر شخص راح اكلمه قبل انهي حياتي، و إذا كان عنده حل بسمع له واذا ما ساعدني راح اتخذ قراري و أنهي الموضوع.💔


اتصل بندر على هذا الشخص وشرح له كل اللي قاعد يصير له ويمر فيه! واللي ما كان يتوّقعه بندر ان حسام شرواني عنده الحل! وقاله موضوعك بسيط يا بندر! أنت تحتاج دكتور نفسي تتكلم معاه وراح يحل لك الموضوع وعطاه رقم دكتور وقاله بكرا تواصل معاه وهذا اللي راح يطلعك من الاكتئاب اللي أنت فيه!

بندر فرح وانبسط ان في شخص أخيرًا قدر أنه يفهمه ويعرف أيش اللي فيه وعلى طول راح بندر للدكتور النفسي عشان يساعده ويبدأ مرحلة العلاج اللي كان ينتظرها بندر من زمان، والحمدلله الدكتور شخّص بندر بالاكتئاب الحاد ونقص شديد جدًا في فيتامين دال وكثير من الأشياء اللي مفروض بندر ما كان يهملها!

وقدر بندر أنه يرجع لشخصيته القديمه والسعيدة ويتخلص من مرض الاكتئاب بعد ما عالج نفسه، وحكى بمقطع على قناته عن فيديو انتشر له وهو يبكي بعد وصوله ٥ مليون، وقال أن الناس تحسبني أبكي من الفرحة لكن الحقيقة أني في هذاك الوقت كنت أعاني من الاكتئاب وبكائي ودموعي كانت بحزن وما فيه اي مشاعر فرح

قرر بندريتا انه يتبرع بمبلغ  ١٠٠ ألف ريال سعودي لمساعدة كل شخص يعاني من مرض الاكتئاب ومو قادر على العلاج🙏🏻

تعليقات الناس على الموضوع:

الحمدلله علي سلامتك يا بندر و حنا معك وراح ندعمك دائمًا، و كل شخص يعاني من مرض الاكتئاب ننصحك لا تُهمل نفسك الموضوع بسيط والحل قريب منك 🙏🏻💚

قصة اليوتيوبر بندريتا مع الاكتئاب

Post Views: 260
التسوق
إقرأ المزيد
المزيد مثل هذا

Support Lovin

Loyal Lovin readers can support Lovin so we can continue to share the stories of all amazing cities

Minimum custom amount to enter is AED 2

By donating, you agree to the Privacy Policy and Terms of Service